Žycharku Mahilova zatrymali za BČB-manikiur. Jaje dapytvajuć sa źmienienymi hałasami
Uładalnicu sałona pryhažości ŭ Mahilovie zatrymali i aštrafavali na 3700 rubloŭ za manikiur z «zabaronienaj simvolikaj». Prapahandysty źniali pra heta ceły repartaž.
Siłaviki sprabavali źniać z žančynaj «pakajannaje» videa, ale zatrymanaja admoviłasia ź imi razmaŭlać i navat hladzieć u kamieru. Paźniej jaje abvinavacili va ŭdziele ŭ paślavybarčych akcyjach pratestu.
U źniatym roliku źviartaje na siabie ŭvahu toje, što navat praz try hady paśla masavych pratestaŭ, dziejničajučy, zdavałasia b, u całkam kamfortnaj dla siabie situacyi poŭnaj biespakaranaści i demanstrujučy ŭpeŭnienaść u tym, što heta naviečna, mahiloŭskija siłaviki nie chočuć dapuskać identyfikacyju svaich asob. U mužčyny, jaki dapytvaje zatrymanuju žančynu, štučna źmienieny hołas.
Kamientary