Prezident Brazilii zajaviŭ, što Pucina nie buduć aryštoŭvać na samicie G20 u Rya
«Ja liču, što Pucin moža lohka pajechać u Braziliju», — skazaŭ Łuła da Siłva.
Prezident Brazilii Łuiš Inasiu Łuła da Siłva zajaviŭ, što rasijskaha lidara Uładzimira Pucina nie aryštujuć u Brazilii, kali jon naviedaje samit G20 u Rya-de-Žaniejra ŭ nastupnym hodzie, piša «Ukrainskaja praŭda».
Pra heta da Siłva skazaŭ u kamientary žurnalistam u kułuarach sustrečy G20 u Deli.
«Ja liču, što Pucin moža lohka pajechać u Braziliju. Mahu vam skazać, što kali ja budu prezidentam Brazilii i jon pryjedzie ŭ Braziliju, jaho ni za što nie aryštujuć».
17 sakavika 2023 hoda Pałata dasudovaj vytvorčaści II Mižnarodnaha kryminalnaha suda vydała ordary na aryšt prezidenta Rasii Uładzimira Pucina i Maryi Lvovaj-Białovaj, jakaja źjaŭlajecca ŭpaŭnavažanaj prezidenta RF pa pravach dziciaci.
Usie krainy — siabry Mižnarodnaha kryminalnaha suda ciapier jurydyčna abaviazanyja zatrymać i pieradać u sud Pucina. Naprykład, ministr justycyi Niamieččyny Marka Bušman abviaściŭ, što vykanaje ordar na aryšt Uładzimira Pucina, kali jon stupić na niamieckuju ziamlu.
6 krasavika Łuła da Siłva prapanavaŭ, kab Ukraina sastupiła Krym Rasii, kab pakłaści kaniec vajnie.
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary