Sud u Brazilii zabaraniŭ Bałsanaru ŭdzielničać u vybarach da 2030 hoda
Vyšejšy vybarčy sud Brazilii pazbaviŭ eks-prezidenta krainy Žaira Bałsanaru prava abiracca da 2030 hoda. Piać sudździaŭ prahałasavali «za», jašče dvoje — suprać.
Bałsanaru pazbavili prava być abranym «za praktyku złoŭžyvańnia palityčnaj uładaj i niepravamiernaje vykarystańnie srodkaŭ masavaj infarmacyi na vybarach 2022 hoda», jak piša RBK.
Rašeńnie aznačaje, što Bałsanaru nie zmoža vyłučyć svaju kandydaturu na vybarach 2024, 2026 i 2028 hadoŭ — dvuch municypalnych i adnych prezidenckich. Adnak bałatavacca na vybarach 2030 hoda jon zmoža. Bałsanaru raniej dapuskaŭ vyłučeńnie svajoj kandydatury na municypalnych vybarach u Rya-de-Žaniejra.
Admianić abmiežavańni moža tolki Fiederalny Viarchoŭny sud.
U kastryčniku minułaha hoda Bałsanaru prajhraŭ vybary byłomu kiraŭniku krainy Łuisu Inasiu Łuła da Siłva. Za Łułu da Siłva prahałasavali 50,8% čałaviek. Za Bałsanaru prahałasavali 49,2% vybarščykaŭ.
U pačatku studzienia ŭ Brazilii (stalicy) pačalisia pratesty. Pratestoŭcy pačali šturmavać uradavyja budynki, uklučajučy Viarchoŭny sud, Nacyjanalny kanhres i rezidencyju prezidenta.
Fiederalny Viarchoŭny sud Brazilii ŭklučyŭ Bałsanaru ŭ śpis fihurantaŭ spravy ab pahromach.
U kancy červienia nad im pačaŭsia sud.
Kamientary