Biełaruskaja premija kinakrytykaŭ «Čyrvony vieras» raspačynaje svaju druhuju edycyju i z 14 vieraśnia da 14 kastryčnika prymaje zajaŭki. Biełaruskija kiniematahrafisty, jakija vypuścili filmy ŭ 2021 i 2022 hadach, mohuć pretendavać na pieramohu ŭ 13 katehoryjach.
Naminantami na «Čyrvony vieras-24» mohuć stać karotka– i poŭnamietražnyja ihravyja, dakumientalnyja i animacyjnyja filmy dy ich aŭtary. Da ŭdziełu prymajecca niezaležnaje kino, stvoranaje biez udziełu dziaržaŭnych srodkaŭ režymaŭ Biełarusi ci Rasii.
Arhanizatarami druhoj premii «Čyrvony vieras» vystupaje kamanda kinakrytykaŭ na čale z Irenaju Kaciałovič i Tarasam Tarnalickim.
«My bačym stvaralny patencyjał niezaležnaha kino i svajoj premijaj chočam padkreślić jaho zdolnaści dy jaho važnaść, — adznačaje kamanda. — Sučasnyja aŭtary adyhryvajuć i buduć adyhryvać svaju rolu ŭ fiksacyi dy pražyvańni našych lichich časoŭ. Kinakrytyki ŭručajuć uznaharody na najbujniejšych jeŭrapiejskich kinafiestyvalach, ichnaje ekśpiertnaje mierkavańnie staić za šeraham viadomych premijaŭ, i my spadziajomsia, što «Čyrvony vieras» staniecca toju nacyjanalnaj uznaharodaj, jakaja budzie adsočvać raźvićcio biełaruskaha kino i stvarać jaho kantekst. Mahčyma, dla kahości premija akažacca dadatkovym stymułam zastavacca ŭ prafiesii, niahledziačy na składanaści».
Pieršy «Čyrvony vieras» prajšoŭ u 2021—2022 hadach — adnym sa šturškoŭ da jaje zasnavańnia stała brutalnaje vyciskańnie niezaležnaj kultury ź Biełarusi, jakoje łukašenkaŭski režym raspačaŭ u adkaz na masavyja pratesty. Uznaharoda zaklikanaja adznačać najlepšyja dasiahnieńni ŭ śfiery biełaruskaha kino — kino, jakoje stvarajuć biełarusy pavodle hramadzianstva albo nacyjanalnaści ŭ krainie i za jaje miežami.
U žury druhoha «Čyrvonaha vierasu» ŭvajšli 7 ekśpiertaŭ i 9 ekśpiertak, siarod jakich — kinakrytyk Uljana Budzik, kinaanalityk Maksim Žbankoŭ, art-mieniedžarka Lina Miadźviedzieva, fiestyvalny arhanizatar Ihar Sukmanaŭ, aŭtarka vydańnia Backstage Alena Sojka, kinakrytyk Hanna Jafremienka, daślednica kino Almira Usmanava, a taksama suzasnavalniki premii Irena Kaciałovič i Taras Tarnalicki. Častka ekśpiertaŭ zastajecca ananimnaju.
Žury vyznačyć «Najlepšy ihravy poŭnamietražny film», «Najlepšy ihravy karotkamietražny film», «Najlepšy poŭnamietražny dakumientalny film», «Najlepšy karotkamietražny dakumientalny film», «Najlepšy animacyjny film», «Najlepšaha(uju) režysiora(ku)», «Najlepšaha aktora», «Najlepšuju aktorku», «Najlepšuju pracu apieratara(ki)», «Najlepšy scenar», «Najlepšaje mastackaje rašeńnie (praca mastaka(čki)-pastanoŭščyka(cy)», «Najlepšy saŭnddyzajn (praca kampazitara(ki) i/ci hukarežysiora(ki)», «Adkryćcio hoda».
Padać zajaŭku na premiju možna z 14 vieraśnia da 14 kastryčnika na sajcie premii. Vyniki druhoha «Čyrvonaha vierasu» buduć padviedzienyja ŭ lutym 2024 hoda.
Ciapier čytajuć
Łukašenka choča pastavić na «Pałanezy» jadziernyja bojehałoŭki15
Łukašenka choča pastavić na «Pałanezy» jadziernyja bojehałoŭki
«Jon kazaŭ, što zołata z saboj nie zabiareš, lepiej zrabić niešta dla inšych». Dačka biznesmiena Kalina raskazała, jak razam z bratam čakaje jaho z kałonii
Kamientary