Kultura33

Jakija premjery čakajuć hledačoŭ Minska ŭ novym teatralnym siezonie

Pradstaŭniki staličnych teatraŭ raspaviali, jakija premjery čakajuć hledačoŭ u 2023—2024 hadach: viartańnie šedeŭraŭ kłasiki i praciah sieryi nievierahodnych pastanovak biełaruskaha režysiora. 

Opiera «Nabuka» viartajecca na scenu Vialikaha teatra. Fota: SB.by

Pa słovach mastackaha kiraŭnika Nacyjanalnaha akademičnaha dramatyčnaha teatra imia M. Horkaha Siarhiej Kavalčyka, jakija pieradaje BiełTA, u ich ustanovie robicca vialikaja staŭka na ŭdałyja debiuty maładych režysioraŭ. Hledačy zmohuć pabačyć piać premjer: «Maskarad» Lermantava (režysior-pastanoŭščyk Devid Razumaŭ), «Drobny bies» Sałahuba (režysior-pastanoŭščyk Maryja Matoch), dziciačy śpiektakl pa kazkach Puškina, «Anfisa» Andrejeva da jubileju režysiora Valanciny Jerańkovaj i prajekt «I niama sił na ciabie zabycca», zasnavany na scenarach Haliny Złabienka.

U Nacyjanalnym akademičnym teatry imia Janki Kupały idzie nasyčanaja praca nad śpiektaklem «Dvor majho dziacinstva» režysiora Daniiła Filipoviča, premjera jakoha płanujecca ŭ śniežni. Taksama ŭ novym teatralnym siezonie hledačy zmohuć naviedać śpiektakli «A zory tut cichija», «Hetaje cudoŭnaje žyćcio», «Radavyja» i inšyja pastanoŭki. Teatralnaja trupa vypravicca ŭ hastroli ŭ Rasiju, a taksama pa rehijonach krainy.

Biełaruski dziaržaŭny akademičny muzyčny teatr paraduje hledačoŭ apieretaj «Cudoŭnaja Alena» pavodle Afienbacha i muzyčnaj kazkaj «Kot u botach». Kastryčnik, listapad i śniežań stanuć dla teatra hastrolnymi miesiacami.

U teatry-studyi kinaakciora Nacyjanalnaj kinastudyi «Biełaruśfilm» adbudziecca premjera śpiektakla «Radavyja» pavodle pjesy Alaksieja Dudarava, kamiedyi «Novaha žyćcia nichto nie abiacaŭ», miuzikła «Rabavańnie apoŭnačy» i śpiektakla «Bieź viny vinavatyja».

Biełaruski dziaržaŭny akademičny teatr junaha hledača paraduje premjeraj śpiektakla «Navalnica», zasnavanym na pjesie ruskaha piśmieńnika Alaksandra Astroŭskaha. «Nam chočacca zaradzić u novym junym hledačy luboŭ da kłasičnych tvoraŭ», — adznačyła teatralnaja režysiorka Taćciana Sambuk. Jana dadała, što ŭ teatry adbudziecca premjera śpiektaklaŭ «Dziadziečka Au» pavodle Miakiela i «Biełaja noč» pavodle Dastajeŭskaha, jakija budzie stavić maładaja režysiorka z Rasijskaha instytuta teatralnaha mastactva. 

U Nacyjanalnym akademičnym Vialikim teatry opiery i baleta ŭ śniežni projdzie premjera baleta «Iluzii kachańnia» Ihara Kołba i śpiektakl «Iałanta», jaki raniej byŭ u repiertuary teatra, ale nie išoŭ niekalki siezonaŭ. U sakaviku Valancin Jelizarjeŭ rychtuje premjeru baleta «Papiałuška», a ŭ kancy teatralnaha siezona vyjdzie hrandyjoznaja opiera Džuzepe Verdzi «Nabuka».

Śpiektakl «Pačupki». Fota: «Źviazda»

U Respublikanskim teatry biełaruskaj dramaturhii adbudziecca adna z hałoŭnych premjer siezona: śpiektakl, jaki stanie praciaham pastanovak «Šlub ź vietram» i «Pačupki». Nazva śpiektakla nie raskryvajecca, ale jaho pakaz maje adbycca ŭ śniežni. Pa słovach pres-sakratarki teatra Žanny Hurynaj, usie try častki historyi — heta biełaruski falkłor u sučasnaj apracoŭcy z mocnym vizualnym składnikam.

Kamientary3

  • Josik
    24.09.2023
    Ličyŭ, što biełaruskich kłasikaŭ chapaje, ale TIUH choča biełaruskich dzietak zaradzić rasiejskimi kłasikami. Kab vy zhareli, mankurty.
  • Alek. Ru
    25.09.2023
    Biełaruskija teatry stali žałkimi filijami rasiejskich. Asabliva palakoúski tiuh ź jahonymi 50 pakul što% rasiejščyny ú repiertuary
  • mikola
    25.09.2023
    Sinnja bolei padhodzjac tvor M.Gorkaga-* NA DNE*.....

Ciapier čytajuć

U finskim sieryjale rasijanie vysadžvajuć desant z samalota «Biełavija». Što robiać Suomi?

U finskim sieryjale rasijanie vysadžvajuć desant z samalota «Biełavija». Što robiać Suomi?

Usie naviny →
Usie naviny

Prajšoŭ druhi etap abmienu rasijska-ŭkrainskaha abmienu vajennapałonnymi. Abmianiali i adnaho biełarusa2

Stała viadoma, kaho z rasijskich vajskoŭcaŭ lačyli ŭ balnicach Homielščyny ŭ pačatku vajny13

«Vyskačyć na vulicu ŭ karotkich spadničkach — heta vy mahli. I ŭsich hvałtavali tam». Łukašenka ŭspomniŭ kinošnikam 2020-y i zaklikaŭ spynicca23

«Vy za ŭsio adkažacie». Biełarusam na prajdzie va Urocłavie taksama pahražali nieviadomyja53

«Vakoł vajna, vakoł bušuje. Vaźmicie Finlandyju». Łukašenka pračytaŭ kinošnikam lekcyju pa mižnarodnym stanoviščy10

Jeŭrakamisija prapanuje źnizić vierchniuju miažu cany na naftu1

Telegram: My nikoli nie raskryvali pryvatnyja paviedamleńni trecim asobam6

Da vieteranaŭ śpiecnaza Paŭličenki pryjazdžaŭ niezvyčajny hość: biełarus, ale musulmanin3

Źnikli kryžy na mohiłkach u Hudahai

bolš čytanych navin
bolš łajkanych navin

U finskim sieryjale rasijanie vysadžvajuć desant z samalota «Biełavija». Što robiać Suomi?

U finskim sieryjale rasijanie vysadžvajuć desant z samalota «Biełavija». Što robiać Suomi?

Hałoŭnaje
Usie naviny →

Zaŭvaha:

 

 

 

 

Zakryć Paviedamić