Padčas samitu Jeŭrapiejskaj palityčnaj supolnaści, jaki prachodzić u ispanskaj Hranadzie, Śviatłana Cichanoŭskaja parazmaŭlała z premjer-ministram Armienii Nikołam Pašynianam i ministram zamiežnych spravaŭ Araratam Mirzajanam, paviedamlaje pres-słužba Cichanoŭskaj.
Cichanoŭskaja vykazała spačuvańni ŭ suviazi ź situacyjaj u Nahornym Karabachu i pieradała słovy padtrymki armianskamu narodu ad imia biełarusaŭ.
Hetaja sustreča važnaja tym, što Armienija ŭvachodzić u prarasijskuju Arhanizacyju Damovy ab kalektyŭnaj biaśpiecy, i jaje kiraŭnictva ŭ 2020 hodzie ŭ pytańniach mižnarodnaj palityki ŭ SND išło ŭ farvatary Kramla. Nikoł Pašynian byŭ adnym ź pieršych, chto ŭ žniŭni 2020 hoda pavinšavaŭ Łukašenku z «pieramohaj» na sfalsifikavanych prezidenckich vybarach.
Ale ŭ suviazi z tym, što Rasija i ADKB admovilisia niečym dapamahać Armienii ŭ situacyi, kali Azierbajdžan vyrašyŭ raźviazać daŭni terytaryjalny kanflikt u Nahornym Karabachu siłavymi mietadami, adbyvajecca faktyčna sychod Armienii z rasijskaj śfiery ŭpłyvu. I heta sustreča — adzin ź simvaličnych jaho indykataraŭ.
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia9
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
Kamientary