Padčas udaru pa kaviarni ŭ Kupianskim rajonie Ukrainy zahinuli syn i ŭdava vajskoŭca, paminki pa jakim ładzili
U vyniku ŭdaru 51 čałaviek zahinuŭ, 6 špitalizavanyja z ranieńniami.
Padčas rakietnaha ŭdaru pa kaviarni-kramie ŭ v. Hraza Kupianskaha rajona Charkaŭskaj vobłaści Ukrainy zahinuli ŭdava i syn vajskoŭca, paminki jakoha ładzili paśla pierapachavańnia, paviedamlaje Interfaks-Ukraina.
Dahetul vajskoviec byŭ pachavany ŭ Dniapry, a svajaki chacieli pierapachavać jaho ŭ vioscy Hraza, adkul jon byŭ rodam. Pachavańnie ładziła siamja zahinułaha vajskoŭca, a mienavita syn i žonka. Syn pierapachavanaha taksama byŭ vajskoŭcam.
«Jon razam sa svajoj žonkaj i maci byŭ ŭ kaviarni, i jany zahinuli ŭ vyniku traplańnia rakiety», — skazaŭ pres-sakratar abłasnoj prakuratury Źmitro Čubienka.
Kala 13:25 5 kastryčnika byŭ naniesieny rakietny ŭdar, jak miarkujecca, «Iskanderam-M», pa kaviarni-kramie. U vyniku 51 čałaviek zahinuŭ, 6 špitalizavanyja z ranieńniami.
Pa stanie na viečar 5 kastryčnika ŭdałosia apaznać 35 zahinułych. Dla vyznačeńnia astatnich spatrebicca DNK-ekśpiertyza.
Paviedamlajecca, što ŭdar byŭ naniesieny prycelna, śledčyja i apieratyŭniki šukajuć navodčykaŭ.
Kamientary