Eks-prezident ZŠA hatovy stać śpikieram na karotki 30-, 60 abo 90-dzionny termin, pakul nie znojduć bolš hodnuju kandydaturu, a jon potym zasiarodzicca na prezidenckaj vybarčaj kampanii 2024 hoda.
Były prezident Donald Tramp zajaviŭ, što pahadziŭsia b na karotkaterminovuju pasadu śpikiera Pałaty pradstaŭnikoŭ, kab słužyć «abjadnalnikam» Respublikanskaj partyi da taho času, pakul zakanadaŭcy nie prymuć rašeńnie ab tym, chto pavinien zaniać hetuju pasadu, paviedamlaje Fox News.
Siabra Pałaty pradstaŭnikoŭ Kievin Makarci (štat Kalifornija) byŭ adchileny ad pasady śpikiera Pałaty pradstaŭnikoŭ u aŭtorak, kali jaho abvinavacili ŭ parušeńni abiacańniaŭ, jakija jon daŭ, kab atrymać kresła śpikiera ŭ studzieni.
«Mianie paprasili vystupić u jakaści abjadnalnika, bo ŭ mianie tak šmat siabroŭ u Kanhresie», — skazaŭ Tramp u intervju Fox News Digital.
«Kali jany nie atrymajuć hałasoŭ, jany spytali mianie, ci nie razhledžu ja mahčymaść zaniać pasadu śpikiera datul, pakul jany nie znojduć kaho-niebudź na bolš praciahły termin, bo ja bałatujusia na pasadu prezidenta».
Tramp nie ŭdakładniŭ, chto jaho pytaŭsia, choć šerah zakanadaŭcaŭ Respublikanskaj partyi zajavili, što jany addajuć pieravahu jamu ŭ jakaści śpikiera.
Try siabry Respublikanskaj partyi abviaścili pra svaje płany na pasadu śpikiera.
Tramp padkreśliŭ, što, kali respublikancy nie zmohuć pryjści da kansiensusu, jon zojmie pasadu śpikiera na karotki «30-, 60 abo 90-dzionny pieryjad».
Pałata pradstaŭnikoŭ ZŠA ŭpieršyniu adpraviła śpikiera ŭ adstaŭku
Tramp pajechaŭ u pali i raśpisaŭsia na kambajnie
Sud pryznaŭ Trampa vinavatym u machlarstvie
Donald Tramp pravioŭ biesprecedentny zbor srodkaŭ na prodažy mierču sa svaim turemnym fota
Kandydat u prezidenty ZŠA Ramasvami bolš nie budzie vykonvać rep Eminiema. Zabaraniŭ sam aŭtar
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary