«Było b lepš, kab ja pamior». Što kažuć žychary ŭkrainskaj vioski Hraza paśla rakietnaha ŭdaru
Udar pa kaviarni ŭ vioscy Hraza ŭ Charkaŭskaj vobłaści ŭ čaćvier adbyŭsia padčas paminak pa Andreju Kozyru, jakija arhanizavaŭ jahony syn Dzianis. Zahinuli pa mienšaj miery 52 čałavieki, prykładna pa adnym čałavieku ad kožnaj siamji.
Viadoma, što Andrej Kozyr zahinuŭ u chodzie bajavych dziejańniaŭ u pačatku rasijskaha ŭvarvańnia. Dzianis Kozyr praciahvaŭ słužyć, adnak u vyniku zvolniŭsia z vojska pa stanie zdaroŭja, ažaniŭsia i vyrašyŭ pierapachavać baćku, nahadvaje Bi-bi-si.
Na paminkach sabralisia kala 60 čałaviek, ź ich 52 ličacca zahinułymi. Siarod ich Dzianis Kozyr, jaho žonka, babula i maci žonki.
Žurnalisty ahienctva Reuters, jakija pryjechali ŭ Hrazu, pahavaryli z dalokim svajakom Kozyraŭ, jakija stracili ŭ vyniku traplańnia rakiety dačku i ziacia.
«Było b lepš, kali b ja pamior», — skazaŭ Valeryj Kozyr, vycirajučy ślozy. Ciapier jamu treba budzie kłapacicca pra troch unukaŭ. Jon skazaŭ Reuters, što nie byŭ na paminkach, bo pavinien byŭ pracavać u načnuju źmienu.
Pavodle jaho, zahinuła ledź nie pałova žycharoŭ vioski, niekatoryja — cełymi siemjami. «Ciapier mnie daviadziecca vykraślić pałovu telefonnaj knihi», — skazaŭ jon.
«Moj brat pamior, maja niaviestka pamierła, maja maci pamierła. Navat nie viedaju, što skazać, stolki ludziej, jakich ja viedaŭ, pamierli.
Možna skazać, što pałova vioski była źniščana adnym udaram», — kaža Bi-Bi-Si jašče adzin miascovy žychar Alaksandr Muchavaty.
«Jany [ratavalniki] znajšli majho ziacia, ale nie [znajšli] maju dačku i maci majho ziacia. My pačuli vybuchi i pryjšli siudy. Pryjšoŭ moj unuk i skazaŭ, što tut nikoha žyvoha niama», — raspaviała Taćciana Łukašova.
Upraŭleńnie Viarchoŭnaha kamisara AAN pa pravach čałavieka nakiravała śpiecyjalnuju hrupu ŭ siało Hraza, kab sabrać infarmacyju ab rakietnym udary, vykazaŭšy zdahadku, što jaho ažyćciaviła Rasija. U Kramli zajavili, što rasijskija vajskoŭcy nie nanosiać udaraŭ pa cyvilnych celach.
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2222
Kamientary