Biełarus zapłaciŭ padatak, a jamu dasłali paŭtornaje paviedamleńnie. Čamu tak atrymałasia i što rabić u anałahičnaj situacyi
Muž i žonka ŭžo bolš za dva hady karystajucca asabistym kabinietam płacielščyka Ministerstva pa padatkach i zborach. Z paviedamleńniami ab paŭtornych vypłatach jany sutyknulisia ŭpieršyniu.
Hleb i jaho žonka pracujuć sami na siabie i rehularna płaciać padatki. Ale na minułym tydni jany atrymali paŭtornaje paviedamleńnie ad padatkovaj inśpiekcyi. I nie adno, a ź dziasiatak. Onliner.by spytaŭ u Ministerstva padatkaŭ i zboraŭ, što zdaryłasia.
— Ja atrymlivaju zarobak z-za miažy i płaču padatki jak fizasoba. Raz na hod składaju dekłaracyju, adpraŭlaju ŭ inśpiekcyju, potym mnie vystaŭlajuć paviedamleńnie na vypłatu, i ja apłačvaju rachunak da 1 červienia, — raspavioŭ Hleb. — Heta značyć, usie padatki za 2022 hod ja zapłaciŭ jašče da pačatku leta.
Maja žonka aformlena jak samazaniataja, u kancy kožnaha miesiaca jana płacić adziny padatak. Spačatku paviedamleńnie na paŭtornuju vypłatu pryjšło joj. Jana zajšła ŭ asabisty kabiniet sistemy, pravieryła — niby usio apłačana. Na nastupny dzień taki ž list pryjšoŭ i mnie.
Listy prychodziać na poštu, zarehistravanuju na partale MPZ.
Muž i žonka ŭžo bolš za dva hady karystajucca asabistym kabinietam płacielščyka Ministerstva pa padatkach i zborach. Z paviedamleńniami ab paŭtornych vypłatach jany sutyknulisia ŭpieršyniu.
— Mahčyma, heta niejki zboj, bo sistema dasyłaje paviedamleńni, ale nijakich apaviaščeńniaŭ i dakumientaŭ na apłatu ŭ asabistym kabiniecie niama. U nas usie padatki vypłačanyja. U vyniku za minuły tydzień žonka atrymała kala dziesiaci takich adnolkavych apaviaščeńniaŭ zapar.
Što cikava, u nas u naładach ŭ asabistym kabiniecie pakazana «nie dasyłać paviedamleńni na poštu». Ale niešta pajšło nie tak.
Jak paviedamili ŭ pres-słužbie Ministerstva pa padatkach i zborach, zboi ŭ sistemie časam zdarajucca, i ŭ asabisty kabiniet płacielščyka sapraŭdy mohuć być nakiravany paŭtorna paviedamleńni, pa jakich raniej užo była praviedziena vypłata:
— Kab pierakanacca, ci sapraŭdy ŭźnikła niejkaja techničnaja prablema, abo hrošy ad płacielščyka pa niejkich pryčynach nie dajšli da atrymalnika, treba źviarnucca ŭ padatkovy orhan, dzie płacielščyk zarehistravany. Tam prakansultujuć i pa asabistym kabiniecie, i pa apłacie padatkaŭ. Numary telefonaŭ padatkovaj inśpiekcyi možna daviedacca na aficyjnym sajcie viedamstva.
Kamientary