Heta druhaja jaho pajezdka za miažu paśla vydačy mižnarodnaha ordara na aryšt u sakaviku.
Prezident RF Uładzimir Pucin prybyŭ u Kitaj na zaprašeńnie staršyni KNR Si Czińpina. U Piekinie rasijski lidar prabudzie dva dni — 17 i 18 kastryčnika, piša TASS.
Pieršy dzień svajho vizitu Pucin pa bolšaj častcy pryśviecić dvuchbakovym sustrečam z kalehami, jakija taksama biaruć udzieł u III Mižnarodnym forumie «Adzin pojas — adzin šlach». Zapłanavanyja pieramovy z prezidentam Vjetnama, premjer-ministram Tajłanda, prezidentami Manholii i Łaosa.
Akramia hetaha, rasijski lidar u aŭtorak voźmie ŭdzieł u cyrymonii aficyjnaj sustrečy sa staršynioj KNR Si Czińpinam i jaho žonkaj Pen Lijuań kiraŭnikoŭ delehacyj — udzielnikaŭ forumu «Adzin pojas — adzin šlach».
Asnoŭnyja mierapryjemstvy forumu projduć 18 kastryčnika. Pucin voźmie ŭdzieł u cyrymonii jaho adkryćcia.
Varta zaŭvažyć, što heta druhaja jaho pajezdka za miažu paśla vydačy mižnarodnaha ordara na aryšt u sakaviku.
17 sakavika 2023 hoda Mižnarodny kryminalny sud u Haazie vydaŭ ordar na aryšt Pucina pa padazreńni ŭ niezakonnaj departacyi dziaciej z akupavanych terytoryj Ukrainy ŭ Rasiju. Z tych časoŭ prezident RF nie ździajśniaŭ zamiežnych pajezdak, a pieršaj pajezdkaj byŭ vizit na minułym tydni ŭ Biškiek na samit kiraŭnikoŭ SND.
Ciapier čytajuć
Deputatka, jakaja rychtuje pryhažuń dla Łukašenki, vyjšła zamuž1
Kamientary