Гэта другая яго паездка за мяжу пасля выдачы міжнароднага ордара на арышт у сакавіку.
Прэзідэнт РФ Уладзімір Пуцін прыбыў у Кітай на запрашэнне старшыні КНР Сі Цзіньпіна. У Пекіне расійскі лідар прабудзе два дні — 17 і 18 кастрычніка, піша ТАСС.
Першы дзень свайго візіту Пуцін па большай частцы прысвеціць двухбаковым сустрэчам з калегамі, якія таксама бяруць удзел у III Міжнародным форуме «Адзін пояс — адзін шлях». Запланаваныя перамовы з прэзідэнтам В'етнама, прэм'ер-міністрам Тайланда, прэзідэнтамі Манголіі і Лаоса.
Акрамя гэтага, расійскі лідар у аўторак возьме ўдзел у цырымоніі афіцыйнай сустрэчы са старшынёй КНР Сі Цзіньпінам і яго жонкай Пэн Ліюань кіраўнікоў дэлегацый — удзельнікаў форуму «Адзін пояс — адзін шлях».
Асноўныя мерапрыемствы форуму пройдуць 18 кастрычніка. Пуцін возьме ўдзел у цырымоніі яго адкрыцця.
Варта заўважыць, што гэта другая яго паездка за мяжу пасля выдачы міжнароднага ордара на арышт у сакавіку.
17 сакавіка 2023 года Міжнародны крымінальны суд у Гаазе выдаў ордар на арышт Пуціна па падазрэнні ў незаконнай дэпартацыі дзяцей з акупаваных тэрыторый Украіны ў Расію. З тых часоў прэзідэнт РФ не здзяйсняў замежных паездак, а першай паездкай быў візіт на мінулым тыдні ў Бішкек на саміт кіраўнікоў СНД.
Біцэпсы Івана Краўцова здзівілі сацсеткі. Ён расказаў, як трымае сябе ў спартыўнай форме11
Біцэпсы Івана Краўцова здзівілі сацсеткі. Ён расказаў, як трымае сябе ў спартыўнай форме
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары