Va Ukrainie padali 168 pazovaŭ ab kanfiskacyi spadčynnaj ziamli ŭ biełarusaŭ i rasijan
Bolšaja častka pazovaŭ užo zadavolenaja.
Prakuratura Chmialnickaj vobłaści Ukrainy 18 kastryčnika paviedamiła ab razhladzie miascovymi sudami 168 pazovaŭ ab kanfiskacyi ziamielnych učastkaŭ hramadzian Biełarusi i Rasii.
Tam adznačyli, što ŭsie hetyja ŭčastki naležać biełarusam i rasijanam i pierajšli im u spadčynu.
«Havorka idzie ab pazovach, padadzienych ciaham 2023 hoda. Ahulnaja płošča ziamielnych učastkaŭ, jakija chočuć kanfiskavać, składaje 300 hiektaraŭ, a košt ich — bolš za 12 miljonaŭ hryvień (bolš za 1 miljon biełaruskich rubloŭ. — «NN»).
Hetyja ziamielnyja ŭčastki atrymanyja biełarusami i rasijanami ŭ jakaści spadčyny», — raspaviała prakuratura Chmialnickaj vobłaści.
Ułasnaja ziamla zamiežnikaŭ ci asob biez hramadzianstva, atrymanaja imi va Ukrainie ŭ spadčynu, pavodle ŭkrainskaha zakanadaŭstva, moža być kanfiskavanaja ŭ asobnych vypadkach.
«Sudami ŭžo zadavolena 135 pazovaŭ u hetaj śfiery. Kanfiskavana va ŭłasnaść dziaržavy 168 hiektaraŭ ziamli koštam 6,5 miljona hryvień», — dadała Chmialnickaja abłasnaja prakuratura.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary