Hazavyja schoviščy Jeŭrasajuza naprykancy žniŭnia zapoŭnienyja prykładna na 63%. Heta značna mienš za siaredni pakazčyk u 80% za hety pieryjad u papiarednija hady, piša vydańnie The Guardian.
Pavodle acenak analitykaŭ, kali tempy zapampoŭki hazu zastanucca takimi ž pavolnymi, ES moža ŭvajści ŭ aciaplalny siezon z zapasami prykładna na 20% nižejšymi za siaredni ŭzrovień apošnich piaci hadoŭ. Heta moža stać najhoršym pakazčykam z 2013 hoda.
Ekanamičny analityk Hreh Mołnar papiaredžvaje, što nievysoki ŭzrovień zapasaŭ pavialičvaje ryzyku rezkich vahańniaŭ cen na haz zimoj. Situacyja moža jašče bolš pahoršycca ŭ vypadku praciahłych chaładoŭ abo słaboha vietru, kali ŭzraście popyt na haz dla vytvorčaści elektraenierhii i aciapleńnia.
Na situacyju paŭpłyvali prablemy z ekspartam nafty i hazu z rehijona Piersidskaha zaliva, a taksama vysokaja vypracoŭka elektraenierhii na hazavych stancyjach padčas letniaj śpioki ŭ Jeŭropie.
Jeŭrapiejskija ceny na haz niadaŭna vyraśli da trochhadovaha maksimumu — bolš čym da 68 jeŭra za MVt·h. Analityki nie vyklučajuć, što biez adnaŭleńnia pastavak hazu ź Blizkaha Uschodu jaho košt moža pieravysić 100 jeŭra za MVt·h, pakolki jeŭrapiejskim krainam daviadziecca kankuryravać z azijackimi kupcami za pastaŭki zvadkavanaha pryrodnaha hazu.
Najbolš składanaja situacyja nazirajecca ŭ Zachodniaj Jeŭropie. Pry hetym Italija i Polšča ŭžo zapoŭnili svaje hazavyja schoviščy bolš čym na 80%.
U Hiermanii ŭzrovień zapasaŭ składaje kala 50%. Adnak Ministerstva ekanomiki krainy zajaŭlaje, što deficytu hazu hetaj zimoj nie čakajecca: pry mahčymaściach impartu dla zabieśpiačeńnia siaredniaha zimovaha popytu dastatkova zapoŭnienaści schoviščaŭ na 60—70%.
Jeŭropa ŭžo amal advykła ad rasijskaha hazu, ale zima znoŭ pahražaje ES enierhietyčnym kryzisam
U Jeŭropie enierhietyčny kryzis. Ci budzie jana znoŭ kuplać naftu i haz u Rasii?
Lidary krain G7 damovilisia ŭzmacnić cisk na Rasiju praz naftu i haz. Zdajecca, nichto nie suprać
Bielhija nie budzie demantavać svaje jadziernyja reaktary
U SIZA KDB adšukaŭsia padpałkoŭnik Zara, jakoha siłaviki ličać analitykam Sachaščyka. Jak jon apynuŭsia ŭ Biełarusi — nieviadoma12
Kamientary