Načalniki Akreścina, žodzinskaj turmy… Stała viadoma, jakich łukašenkaŭskich siłavikoŭ abviaścili ŭ mižnarodny vyšuk
Raniej paviedamlałasia, što adrazu niekalki siłavikoŭ režymu Łukašenki, jakija padazrajucca va ŭčynieńni złačynstvaŭ na terytoryi Biełarusi ŭ 2020 hodzie, «źviazanych z pazbaŭleńniem voli čałavieka, učynienych z asablivaj žorstkaściu», abvieščanyja ŭ mižnarodny vyšuk. Ciapier kiraŭnik Narodnaha antykryzisnaha ŭpraŭleńnia Pavieł Łatuška nazvaŭ ich proźviščy.
Proźviščy i pasady hetych siłavikoŭ na momant ździajśnieńnia imi złačynstvaŭ:
- Jaŭhien Šapiećka — major, načalnik Centra izalacyi pravaparušalnikaŭ HUUS Minharvykankama (Akreścina);
- Hleb Dryl — major, namieśnik načalnika izalatara časovaha ŭtrymańnia HUUS Minharvykankama (Akreścina);
- Dźmitryj Strabkoŭ — pałkoŭnik unutranaj słužby, načalnik papraŭčaj ustanovy «Turma №8 horada Žodzina»;
- Jaŭhien Savič — praparščyk milicyi, AMAP HUUS Minharvykankama;
- Julija Sakałova — staršy lejtenant milicyi, adździeł pa hramadzianstvie i mihracyi HUUS Minharvykankama;
- Karyna Vałujskaja — praparščyk milicyi, patrulna-pastavaja słužba milicyi Frunzienskaha RUUS horada Minska.
Infarmacyja pra padazravanych, pavodle Łatuški, apublikavanaja dziaržaŭnym telekanałam Polščy TVP na padstavie źviestak prakuratury Polščy. U dačynieńni da vyšejzhadanych asob vydadzieny jeŭrapiejski order na aryšt.
Hetyja asoby padazrajucca ŭ ździajśnieńni złačynstvaŭ, praduhledžanych častkaj 3 art. 189 Kryminalnaha kodeksa Polščy — ździajśnieńnie złačynstva, źviazanaha z pazbaŭleńniem voli čałavieka, ździejśnienaha z asablivaj žorstkaściu.
Abviaščeńnie ŭ vyšuk siłavikoŭ Łukašenki stała vynikam sumiesnaj pracy NAU, polskaha advakata Tomaša Vilinskaha, pradstaŭnikoŭ kibierpartyzan, BYPOL i inšych niaŭradavych arhanizacyj, adznačajecca ŭ paviedamleńni.
Čytajcie taksama:
Byli milicyjanierami, a stali dalnabojščykami ŭ ES
«Surjozny sihnał usioj siłavoj sistemie». Siłaviki Łukašenki abjaŭleny ŭ vyšuk
Na abiedzie Łukašenki i Si Czińpina prysutničała i adzinaja dačka kitajskaha lidara11
Kamientary