Hałoŭny sanitarny doktar Biełarusi zrabiŭ užo piać pryščepak ad karanavirusa
Ale, jak kažuć, jość niuans.
U hetym siezonie namieśnik ministra achovy zdaroŭja — hałoŭny sanitarny doktar Biełarusi Alaksandr Tarasienka ŭžo pryščapiŭsia jašče i vakcynaj suprać hrypu rasijskaj vytvorčaści. I jašče prajšoŭ čarhovuju busteryzacyju suprać COVID-19 — jon abraŭ «Sputnik łajt».
«Ad kavidu heta była čaćviortaja ci navat piataja vakcynacyja», — skazaŭ Tarasienka.
Jon nahadaŭ, što miedyki i farmaceŭty ŭvachodziać u hrupu ryzyki. «Prymusić my nikoha nie možam, ale nastojliva raim pryščapicca, — kaža jon. — Da taho ž nielha vyklučać taho, što pryjdziecca pracavać u «čyrvonaj zonie».
Tarasienka rekamienduje prachodzić vakcynacyju ad karanavirusa raz na hod: «Heta spryjaje tamu, kab našy ludzi jak minimum nie traplali na reanimacyjny łožak, jak maksimum — nie sychodzili ŭ inšy śviet».
Ale tolki ŭčora kiraŭnik rasijskaha Centra imia Hamalei, jaki raspracavaŭ vakcynu «Sputnik», jakoj pryščaplajuć u Biełarusi, Alaksandr Hinzburh pryznaŭ, što pieršapačatkovy varyjant vakcyny zusim zhubiŭ svaje jakaści pierad novymi štamami kavidu.
Centr imia Hamalei ŭžo raspracavaŭ novy varyjant, ale jon u šyroki ŭžytak pastupić tolki ŭ sakaviku.
U Biełarusi taksama pryščaplajuć kitajskaj vakcynaj Vero Cell i bustarnaj kubinskaj «Sabierana».
Ciapier čytajuć
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1515
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu15
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary