Śviatłana Cichanoŭskaja pryznačyła Valeryja Mackieviča na pasadu kiraŭnika aparatu Abjadnanaha pierachodnaha kabinieta.
Valeryj Mackievič — palityk i hramadski dziejač. U svoj čas byŭ namieśnikam staršyni moładzievaj arhanizacyi «Małady front».
Maje dośvied supracoŭnictva ź mižnarodnymi arhanizacyjami i palityčnymi strukturami. Pracavaŭ z pasolstvami ES i ZŠA ŭ Minsku. Byŭ kaardynataram mabilizacyjnych kampanij padčas prezidenckich vybaraŭ 2001, 2006, 2010 hadoŭ. U 2007 hodzie bałatavaŭsia ŭ miascovyja Saviety deputataŭ.
U čas pieradvybarčaj kampanii 2020 hoda kiravaŭ adnoj sa stratehična-analityčnych hrup u abjadnanym štabie Śviatłany Cichanoŭskaj. Adrazu paśla vybaraŭ prajšoŭ praz žodzinskuju turmu i izalatar na Akreścina.
Valeryj Mackievič prakamientavaŭ svajo pryznačeńnie:
«Pierad Kabinietam jak asnoŭnym vykanaŭčym orhanam demakratyčnych sił Biełarusi staić vielmi adkaznaja zadača pa realizacyi stratehii, jakaja musić zabiaśpiečyć nabližeńnie tranzitu ŭłady ad złačynnaha režymu da zakonnaj i demakratyčnaj ułady.
Kabiniet faktyčna ŭsio bolš vykonvaje rolu alternatyŭnaha ŭrada. I tut ja kažu nie tolki ab pradstaŭničaj funkcyi — pabudovie vysokaŭzroŭnievych stasunkaŭ na mižnarodnym poli, što, biezumoŭna, vielmi važna, ale ŭ hetym vypadku najpierš ab raspracoŭcy takich hłabalnych i sacyjalna važnych prajektaŭ, jak nacyjanalny pašpart ci, naprykład, infarmacyjna-kansultacyjnaja słužba «Adno akno».
Jak kiraŭnik aparatu, ja baču svajoj asnoŭnaj misijaj arhanizacyju pracy Kabinieta jak zładžanaha miechanizma, jaki maje supolnyja pryjarytety i adzinuju metu — niezaležnuju demakratyčnuju Biełaruś biez palitźniavolenych i ź lehitymnaj uładaj».
Ciapier čytajuć
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki26
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1616
Kamientary