Hałoŭny sandoktar padzialiŭsia łajfchakam, jak paźbiehnuć čerhaŭ u paliklinikach
Namieśnik ministra achovy zdaroŭja — hałoŭny dziaržaŭny sanitarny doktar Alaksandr Tarasienka źviarnuŭ uvahu na svojeasablivuju tendencyju siarod pacyjentaŭ: kali pačynajecca siezon, usie chočuć trapić u palikliniku a 8 ranicy, a paśla abiedu paliklinika pustaja, paviedamlajuć «Minsk-Naviny».
Śpiecyjalist parekamiendavaŭ vykarystoŭvać elektronnuju čarhu i zapisvacca da daktaroŭ na pryjom zahadzia. Jon zaŭvažyŭ, što heta i čas sekanomić, i ryzyku pierakryžavanaha infikavańnia minimizuje.
Pieršy namieśnik staršyni Kamiteta achovy zdaroŭja Minharvykankama Pavieł Udot adznačyŭ, što takaja prablema nazirajecca nie tolki ŭ stalicy, ale i ŭ bolšaści nasielenych punktaŭ krainy.
— Ludzi pryvykli tak žyć. Achova zdaroŭja stanovicca bolš dastupnaj, ale zastajecca čałaviečy faktar. Jość elektronnaja čarha, jość zapis pa tałonach. Ale pacyjent usio roŭna pojdzie biez zapisu pa tałonach, pravakujučy kanfliktnuju situacyju jak dla siabie, tak i dla navakolnych, — rastłumačyŭ P. Udot.
Taksama śpiecyjalist raspavioŭ, što ciapier navučency majuć mahčymaść u vypadku chvaroby adsutničać na zaniatkach biez daviedki da piaci dzion. Heta dapamahaje razhruzić piedyjatraŭ, u jakich bolš čerhaŭ, čym u terapieŭtaŭ abo daktaroŭ ahulnaj praktyki. Adnak jon taksama padkreśliŭ, što kali stan dziciaci nie lepšaje, to nie treba čakać piać dzion, a adrazu iści da doktara.
Ciapier čytajuć
Šasnaccać hradusaŭ. Rasijski karespandent paskardziŭsia, što źmierz u łukašenkaŭskim pałacy15
Šasnaccać hradusaŭ. Rasijski karespandent paskardziŭsia, što źmierz u łukašenkaŭskim pałacy
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami3939
Kamientary