Unačy prajšła infarmacyja, što ŭ samalota «Biełavija» łopnuła koła, u vyniku pry pasadcy ŭ aeraporcie Minska jon zabłakavaŭ uźlotna-pasadačnuju pałasu. Ciapier źjaviŭsia aficyjny kamientar kampanii z hetaj nahody.
Jak paviedamili ŭ «Biełavija», 1 listapada paśla vyletu rejsa V2-784 ź mižnarodnaha aeraporta Stambuła imia Ataciurka jaho naziemnyja słužby, ahledzieŭšy ŭźlotna-pasadačnuju pałasu, paviedamili ab mahčymym paškodžańni koła samalota.
Ekipaž łajniera Boeing 737 MAX 8 praanalizavaŭ situacyju i pryniaŭ rašeńnie ruchacca ŭ punkt pryznačeńnia. Palot vykonvaŭsia ŭ štatnym režymie.
«Dziakujučy prafiesijnym dziejańniam ekipaža pasadka prajšła ŭdała, nichto z pasažyraŭ i členaŭ ekipaža, jakija znachodzilisia na borcie, nie paciarpieŭ», — zajavili ŭ avijakampanii.
Paśla pasadki samalot pakinuli na ŭźlotna-pasadačnaj pałasie, jaho ruchaviki byli zahłušanyja z metaj niedapuščeńnia mahčymaha pierahrevu šasi. Paśla samalot adbuksiravali na miesca stajanki.
«U adpaviednaści ź dziejnymi praviłami, paśla ździajśnieńnia pasadki pavietranaha sudna pravodzicca rasśledavańnie pryčyny razbureńnia levaha asnoŭnaha koła šasi», — paviedamiła pres-słužba «Biełavija».
Čytajcie taksama:
«Biełavija» taksama zajaviła pra źnižki
Stała viadoma, kolki kaštuje bilet na humanitarny rejs «Biełavija» ź Izraila
Ciapier čytajuć
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7878
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia78
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1515
Kamientary