Žychara Navapołacka pakarali aryštam za chešteh sa słovami «Žyvie Biełaruś»
Spravu pradprymalnika Dźmitryja Storažava 27 kastryčnika raźbirała sudździa Zinaida Bałabołava. Pavodle jaje vysnovaŭ, navapałačanin pravodziŭ «niesankcyjanavanaje pikietavańnie», chacia jašče da suda jon vydaliŭ fotazdymak, chešteh da jakoha byŭ zaŭvažany miascovymi siłavikami. Zaraz Dźmitryj Storažaŭ adbyvaje 13-sutkavy aryšt.
Pastanova sudździ Zinaidy Bałabołavaj, jakuju ŭ Navapołacku daŭno viedajuć jak «stachanaŭku» ŭ vyniasieńni palityčna matyvavanych prysudaŭ, apublikavanaja ŭ Banku sudovych rašeńniaŭ. Pavodle hetaha dakumienta, Storažaŭ padčas sudovaha pracesu pryznaŭ, što ŭ 2021 hodzie apublikavaŭ na svajoj staroncy ŭ Instagram fotazdymak z chešteham «#žyviebiełaruś Sobraliś!» Na fotazdymku byŭ jon ź siabrami, nijakaj «apazicyjnaj» atrybutyki pry ich nie było.
U sudzie začytali milicejski rapart ad 26 kastryčnika pra toje, što 20 kastryčnika hety fotazdymak jašče byŭ na staroncy Storažava, ale praz try dni jon byŭ vydaleny. Milicyjanty paśpieli zrabić skrynšot «kramoły», i jon staŭ hałoŭnym arhumientam suprać Storažava. Sudździa Bałabołava zrabiła vysnovy, što z 17.03.2021 fotazdymak z chešteham byŭ u adkrytym dostupie z metaj pryciahnieńnia ŭvahi inšych hramadzian i publičnaha vykazvańnia hramadska-palityčnych, asabistych i inšych intaresaŭ.
Sud kvalifikavaŭ dziejańni žychara Navapołacka pavodle art. 24.23 KaAP («niesankcyjanavanaje pikietavańnie») mienavita z-za fakta raźmiaščeńnia fotazdymka ŭ internecie, chacia na im nie było ničoha, aprača vyjaŭ niekalkich čałaviek. Toje, što słovy «Žyvie Biełaruś» MUS hod tamu ŭklučyła ŭ pieralik nacysckich simvałaŭ i atrybutaŭ, u sudovaj pastanovie nie zhadvajecca.
-
Z 24 śniežnia na Dziciačaj čyhuncy zapuskajuć «Navahodni ekspres»
-
Fizik z Akademii navuk pierajechaŭ na pracu ŭ Polšču. Padčas vizitu ŭ Biełaruś jaho aryštavali za palityku i kinuli ŭ kałoniju
-
«Treba ŭkaranicca ŭ apazicyju ŭ Polščy». Pradprymalnik raskazaŭ, jak jaho zavierbavaŭ KDB paśla pravierki na miažy
Ciapier čytajuć
Fizik z Akademii navuk pierajechaŭ na pracu ŭ Polšču. Padčas vizitu ŭ Biełaruś jaho aryštavali za palityku i kinuli ŭ kałoniju11
Fizik z Akademii navuk pierajechaŭ na pracu ŭ Polšču. Padčas vizitu ŭ Biełaruś jaho aryštavali za palityku i kinuli ŭ kałoniju
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii99
Kamientary