Pra naviny nakont homielskaha eks-žurnalista i krajaznaŭcu Jaŭhiena Mierkisa, asudžanaha na čatyry hady, raskazaŭ u svaim fejsbuku pravaaabaronca Leanid Sudalenka.
«U škłoŭskaj kałonii №17 Jaŭhien pracuje ŭ cechu pa pašyvie śpiecabutku (dla asudžanych i milicyi). Palitviazień zbolšaha ŭ paradku, žyćcio dla tych miesc standartnaje, na zdaroŭje nie skardzicca. Pierapisvajecca z baćkam (maci pamierła, sam Jaŭhien udaviec), abmiarkoŭvajuć praduktovuju pieradaču (dla ŭzmocnienaha režymu raz u čatyry miesiacy da 50 kh), zvankoŭ pakul nie dazvolili. U volny čas čytaje, hladzić televizar. Niadaŭna ŭ kałoniju pryjazdžaŭ z vystupam lektar-historyk (jaki, nie ŭdakładniaje)», — napisaŭ Leanid Sudalenka.
Jon nahadaŭ, što Jaŭhien — homielski žurnalist, jaki aśviatlaŭ akcyi pratestu paśla prezidenckich vybaraŭ 2020 hoda, vioŭ strymy ź mitynhaŭ tak zvanych «darmajedaŭ» 2017 hoda. Jaho nieadnarazova zatrymlivała milicyja, praz sudy štrafavała i adpraŭlała na sutki. Ahułam za žurnalisckuju dziejnaść Jaŭhienu prysudzili 50 sutak aryštu i bolš za 200 bazavych vieličyń štrafaŭ.
13 vieraśnia 2022 hoda jon byŭ zatrymany pa artykułach 361-1 i 361-4 (stvareńnie ekstremisckaha farmavańnia abo ŭdzieł u im i sadziejničańnie ekstremisckaj dziejnaści.) Jaho asudzili na čatyry hady kałonii ŭzmocnienaha režymu.
8 listapada za kratami Jaŭhien śviatkavaŭ svoj druhi dzień narodzinaŭ.
Padtrymajcie žurnalista listami dy paštoŭkami. Kudy: PK № 17, 213004, h. Škłoŭ, vuł. 1-ja Zavodskaja, 8. Kamu: Mierkis Jaŭhien Alaksandravič
Ciapier čytajuć
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary
nu jaki-jaki... peŭna ž rasiejski