U kaviarni (trapieznaj) dla pałomnikaŭ Śviata-Uśpienskaha manastyra ŭ Žyrovičach była freska, udzieł u stvareńni jakoj braŭ zabity łukašystami ŭ 2020 hodzie mastak Raman Bandarenka. Ale ciapier heta ŭsio źniščana, daviedałasia «Chryścijanskaja vizija».
Na frescy, napisanaj Ramanam Bandarenkam u ramkach dypłomnaj pracy ŭ Minskim dziaržaŭnym architekturna-budaŭničym kaledžy, byŭ namalavany manastyr pad šatami Žyrovickaj ikony Baharodzicy.
Taksama na ścianie raźmiaščałasia miemaryjalnaja šylda ź imieniem Ramana Bandarenki.
Ciapier u trapieznaj iduć ramontnyja raboty, padčas jakich fresku zafarbavali, a na jaje miescy źjaviłasia vyjava ikony «Tajnaja viačera». Miemaryjalnuju šyldu taksama sa ściany źniali.
12 listapada spoŭniłasia 3 hady z dnia hibieli maładoha čałavieka.
Ciapier čytajuć
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona22
Kamientary