Žychary Połacka bjuć tryvohu: na kamieni źjavilisia dziŭnyja pacioki.
Vysiečanyja na lehiendarnym kamieni kryž i nadpisy «CHS NIKA», što aznačaje «Chrystos pieramahaje», i «Hospadzie, pamazi rabu svajemu Barysu», źmianili koler, kala ich źjavilisia pacioki.
U Muziei Safijskaha sabora tłumačać: heta nie chulihany, i nie źjava pryrody. Nadpis na kamieni padmalavali znarok, «kab było čytelniej».
A heta narmalna — padmaloŭvać pomnik? Na takoje pytańnie ŭ adździele kultury Połackaha rajvykankama zajavili, što ničoha nie čuli pra farbavańnie Barysavaha kamienia, i abiacali dasłać na miesca śpiecyjalista, kab jon pabačyŭ usio na ŭłasnyja vočy.
Barysaŭ kamień uniesieny ŭ Dziaržaŭny śpis historyka-kulturnych kaštoŭnaściaŭ. Tamu na lubyja dziejańni ź im pavinna być atrymana zhoda Ministerstva kultury.
Barysavy kamiani — unikalnyja pomniki CHII stahodździa, manumientalny prajekt połackaha kniazia Barysa Usiasłaviča, pry jakim byli vybityja nadpisy na vializnych vałunach u roznych kancach dziaržavy.
Ź siami ci dziasiaci — daśledčyki spračajucca, jakija z kamianioŭ adnosić da «Barysavych», — viadomych vałunoŭ zachavalisia try. Reštu ŭzarvali ŭ saviecki pieryjad. Ale i z zachavanych adzin nie ŭ Biełarusi, a jašče ŭ XIX stahodździ byŭ vyviezieny rasijskimi kałanizatarami pad Maskvu, u Kałomienskaje. A toj druhi, jaki ŭ Biełarusi, u Drui, raskołaty.
Toj Barysaŭ kamień, jaki lažyć kala połackaha Safijskaha sabora, znajšli ŭ Dźvinie prykładna za 5 kiłamietraŭ ad Połacka, nasuprać vioski Padkaścielcy. Pieršaja sproba vyciahnuć na bierah vałun z palavoha špatu, abchvat jakoha kala vaśmi mietraŭ, adbyłasia jašče ŭ 1889 hodzie, ale była biespaśpiachovaj. U 1981 hodzie da idei viarnulisia. Kamień pieranieśli ŭ adnu ź pieršych biełaruskich stalic. Heta adzin z samych staražytnych pomnikaŭ biełaruskaj dziaržaŭnaści — prosty i vieličny adnačasova.
Siłaviki raskazali, za što praviali chapun na tenisnym matčy7
Siłaviki raskazali, za što praviali chapun na tenisnym matčy
«Adnavili hramadski paradak, nie sastupiŭšy patrabavańniam novych vybaraŭ». Što piša Hrokipiedyja pra pratesty, Łukašenku, movu i jak dzielić spadčynu VKŁ1212
Kamientary