U piatnicu, 17 listapada, u adnoj z himnazij Hrodna na ŭroku pamierła šaścikłaśnica. Dziaŭčyncy stała drenna, joj akazvali miedycynskuju dapamohu, ale vyratavać jaje nie ŭdałosia, raskazali vydańniu «Lusterka» jahonyja čytačy. Ministerstva adukacyi pra nadzvyčajnaje zdareńnie pakul nie paviedamlała.
Jak raskazaŭ «Lusterku» svajak adnaho z vučniaŭ, u himnazii №5 u Hrodnie pamierła šaścikłaśnica. Dziaŭčyncy było 12 hadoŭ. U hetaj ustanovie adukacyi jość kłasy z chareahrafičnym uchiłam, i nadzvyčajnaje zdareńnie adbyłosia na ŭroku tancaŭ.
«Nakolki ja viedaju, u dziaciej štodnia ŭroki tancaŭ, časam jany daŭžejšyja za dźvie hadziny, nahruzka vialikaja, ale dzieciam padabajecca. Nu i ŭ piatnicu prosta na ŭroku dziaŭčyncy stała drenna, jana pamierła.
Nastaŭnikaŭ paśla zdareńnia źbirali na niejkuju naradu i, napeŭna, skazali, kab jany maŭčali. Tamu što baćkam pra heta ničoha ŭ škole nie kazali — ni ŭ navinach, ni ŭ čatach infarmacyi niama. Ale heta aburalna — choć by patłumačyli pryčynu, pastavili baćkoŭ u viadomaść, kab chacia b jany viedali, moža, dzieści za zdaroŭjem dziaciej bolš sačyć treba, da lekara chadzić čaściej, kali takija nahruzki», — raskazaŭ surazmoŭca.
Pavodle jaho słoŭ, kali dziciaci stała kiepska, pravodzilisia reanimacyjnyja dziejańni, vierahodna, pryjazdžała chutkaja, ale adkačać dziaŭčynku nie zmahli.
Nieaficyjnaja pryčyna śmierci — prablemy z sercam.
U himnazii, kudy žurnalistka «Lusterka» patelefanavała jak mama adnoj z vučanic, paćvierdzili: šaścikłaśnica pamierła padčas uroka.
«Stała kiepska, straciła prytomnaść — i ŭsio, lekary nie zmahli adkačać, akazać dapamohu. Tam u dziciaci byli prablemy sa zdaroŭjem», — patłumačyli ŭ administracyi, a padrabiaznaści praz telefon raskazvać admovilisia.
Aficyjna miascovyja ŭłady Hrodna abo Ministerstva adukacyi pra nadzvyčajnaje zdareńnie sa śmierciu dziciaci na ŭroku nie paviedamlali. Pakul nieviadoma, ci pravodzicca niejkaja pravierka.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii13
Kamientary
Diebiły, štole? Kakaja nach raźnica nravitsia idi niet? Dva časa? Pod sud, tvari!