Hramadstva2121

«My paspadziavalisia, što čarhovy raz praniasie. Nie praniesła». Jašče ŭ 2022 hodzie jany spakojna prajazdžali miažu. Ciapier pajezdka stała dramaj

Siamiejnaja para pieraścierahaje ad pajezdak u Biełaruś usich, chto maje choć niejkuju historyju aktyŭnaści i žyvie za miažoj. Ich pajezdka skončyłasia štampam ab zabaronie ŭjezdu na piać hadoŭ. Kab mieli biełaruskija pašparty, to pajechali b u zusim inšaje miesca.

Štamp "ujezd zabaronieny" stamp "No entry" štamp "vjezd zaprieŝion"
Ilustracyjnaje fota: svaboda.org

Svaim vopytam mužčyna padzialiŭsia ŭ sacyjalnych sietkach.

Za miažoju siamiejnaja para žyvie amal dva dziasiatki hadoŭ i maje zamiežnaje hramadzianstva. Ad biełaruskaha hramadzianstva mužčyna admoviŭsia jašče da padziej 2020 hoda.

Siamja naviedvała svajakoŭ u Biełarusi niekalki razoŭ u 2021—2022 hadach. Apošni raz byli prykładna hod nazad.

Jak raspaviadaje mužčyna, na hety raz u punkcie propusku «Katłoŭka» kali jon prachodziŭ pašpartny kantrol, to supracoŭnik vyklikaŭ načalnika źmieny, i toj paprasiŭ prajści razam z telefonam za im.

Padčas karotkaj razmovy načalnik źmieny sprabavaŭ daviedacca, ci maje mužčyna inšy pašpart. Zatym, pakul mužčyna čakaŭ u kalidory, pamiežnik prabivaŭ jaho danyja, niekudy telefanavaŭ.

Dalej padarožnika adviali na druhi pavierch. U kabiniecie №13 u jaho adbyłasia razmova z dvuma čałaviekami ŭ formie. Mužčyna vykazvaje zdahadku, što heta byli hebisty.

Adzin ź ich paprasiŭ razbłakavać telefon. Mužčyna adznačaje, što jany z žonkaj zahadzia vydalili z telefonaŭ faktyčna ŭsio, ale ŭ jaho zastaŭsia instahram. Tam uvahu ludziej u formie pryciahnuli zdymki z prezientacyi knihi Alesia Bialackaha ŭ Ńju-Jorku, akcyi pratestu suprać vajny ŭ Vašynhtonie, a taksama fota z ekskursii ŭ litoŭski Sojm, na jakoj mužčyna staić za trybunaj pobač z ukrainskim ściaham.

Jak piša mužčyna, akramia źmieściva telefona słužbovyja asoby cikavilisia jaho palityčnymi pohladami, staŭleńniem da ciapierašniaj ułady ŭ Respublicy Biełaruś, a taksama metaj pajezdki.

Dalej na razmovu i pravierku telefona vyklikali žonku. Siarod inšaha cikavilisia jaje byłoj pracaj u EHU. Na šerah pytańniaŭ žančyna admoviłasia adkazvać. 

Žonka paśla raspaviała, što supracoŭnik, jaki praviaraŭ telefony, skazaŭ, što najlepšaje, što moža ich z mužam čakać, heta zabarona ŭjezdu ŭ Biełaruś na piać hadoŭ. A kali b jany byli hramadzianami Biełarusi, to pajechali b nie nazad u Litvu, a zusim u inšaje miesca.

Telefony byli viernutyja adrazu paśla hutarki. A voś pašpartoŭ daviałosia pačakać. Ich viarnuŭ načalnik źmieny z pastaŭlenym štampam «Ujezd zabaronieny» i patłumačyŭ, što zabarona dziejničaje piać hadoŭ.

Jak raspaviadaje mužčyna, načalnik źmieny pravioŭ ich da apošniaj budki na biełaruskim baku i skazaŭ iści ŭ bok Litvy, što jany i zrabili.

Mužčyna horka iranizuje, što «my ŭdziačny losu, što ŭžo nie majem hramadzianstva svajoj Radzimy. Bo mahło być našmat horš».

«Niahledziačy na parady mnohich razumnych ludziej, my paspadziavalisia, što čarhovy raz praniasie. Nie praniesła. Choć kali b jany padniali archivy i kryšku lepš pašukali infu pra mianie, to mahčyma i litoŭski pašpart nie dapamoh by»,

— piša mužčyna i papiaredžvaje, što ciapier nie čas jechać u Biełaruś, navat kali vy nie źjaŭlajeciesia jaje hramadzianami.

Čytajcie jašče:

Jak prapuskajuć praź miažu tych, chto nie paviedamiŭ pra svoj DNŽ, kartu palaka abo inšaje hramadzianstva

«U hetym telefonie na paru hadoŭ kałonii». Biełarusy raskazali, jak prachodziać pravierki na miažy z Polščaj

«Dajcie telefon i pakažycie sacsietki». Litoviec raskazaŭ, jak jaho dapytvali i praviarali na biełaruskaj miažy

Kamientary21

  • Lecha
    26.11.2023
    Jeśli ničieho nie natvorili jezžajtie spokojno komu vy tut nužny.
  • Samyj umnyj čto-li
    26.11.2023
    Hysterical, s kotikami i sobačkami srazu na sutki .
  • Čieł
    26.11.2023
    "Mužčina otmiečajet, čto oni s žienoj zaranieje udalili s tielefonov faktičieski vsie, no u nieho ostałsia instahram."
    Da ty hienij skryta!
    A voobŝie u mienia dla pojezdok v Biełaruś vsiehda był staryj knopočnyj Samsunh. I pociełuj mienia za zdiesia.

Ciapier čytajuć

«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha28

«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha

Usie naviny →
Usie naviny

Ci lataje Cichanoŭskaja biznes-kłasam i jak ministr zamiežnych spraŭ Polščy padkinuŭ jaje na svaim samalocie8

Trahiedyja ŭ Bielhii: ukrainski padletak pryznaŭsia ŭ zabojstvie maci i 6-hadovaj siastry5

Nočču na Minsk i Minskuju vobłaść znoŭ abrynulisia zalevy i navalnicy1

«Ciapier Piatkievič — heta Hieorhij Žukaŭ Vialikaj Ajčynnaj». Łojka pra rolu čynoŭnicy12

Jak Tramp prajhraje ŭłasnuju handlovuju vajnu z usim śvietam7

Uščent pjanaja aŭtamabilistka najechała na viełasipiedystku i kinuła jaje pamirać7

Ci moža pasažyr ź vierchniaj palicy ŭ ciahniku prymusić čałavieka ź nižniaj padzialicca miescam? Nie ŭsio tak prosta2

Biez šłahbaŭma i pa pieradapłacie. Što źmienicca dla aŭtamabilistaŭ Biełarusi: novyja praviły płatnych parkovak

Jakaja harełka ź Biełarusi ŭvajšła ŭ rejtynh najlepšych suśvietnych ałkaholnych brendaŭ12

bolš čytanych navin
bolš łajkanych navin

«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha28

«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha

Hałoŭnaje
Usie naviny →

Zaŭvaha:

 

 

 

 

Zakryć Paviedamić