Rasija naniesła čarhovy rakietny ŭdar pa Kijevie: častka horada zastałasia bieź śviatła i vady, tysiačy damoŭ — bieź ciapła
Rasijanie nie pakidajuć sprob vyklikać u stalicy Ukrainy enierhietyčny kałaps na fonie studzieńskich marazoŭ.
U noč na 20 studzienia Rasija naniesła maštabny ŭdar pa ŭkrainskaj stalicy, vykarystaŭšy balistyčnyja rakiety i drony-kamikadze. Hetaja ataka stała čarhovym etapam sprob Maskvy razburyć enierhietyku Kijeva.
Horad sutyknuŭsia z surjoznymi pierabojami ŭ žyćciezabieśpiačeńni. Jak paviedamiŭ mer Kijeva Vital Kličko, asnoŭny ŭdar pryjšoŭsia pa abjektach infrastruktury na levym bierazie Dniapra. Tam źnikli elektryčnaść i vada. Sacyjalnyja abjekty, u tym liku balnicy, vymušanyja byli terminova pierachodzić na aŭtanomnaje siłkavańnie ad hienierataraŭ.
Na ciapierašni momant viadoma pra adnaho paciarpiełaha ŭ Dniaproŭskim rajonie. U hetaj ža častcy horada zafiksavanyja traplańni ŭ niežyłyja budynki i pažar na składskich pamiaškańniach.
Adnak najbolš balučym nastupstvam staŭ udar pa aciapleńni. Pavodle źviestak meryi, bieź ciapła zastalisia 5 635 šmatpaviarchovikaŭ. Dramatyzm situacyi ŭ tym, što amal 80% z hetych damoŭ — tyja, kudy kamunalniki tolki-tolki viarnuli ciapło paśla papiaredniaha abstrełu.
Kijeŭ jašče nie paśpieŭ adyści ad minułych napadaŭ. Hienieralny dyrektar kampanii Yasno Siarhiej Kavalenka paviedamiŭ, što z-za paškodžańniaŭ enierhasistemy śviatło ŭ stalicy adklučajuć bolš čym na 16 hadzin u sutki.
Enierhietyki płanavali viarnuć horad da hrafikaŭ pahadzinnych adklučeńniaŭ mienavita siońnia, 20 studzienia, ale novaja chvala abstrełaŭ pierakreśliła hetyja spadziavańni. Praz množnyja paškodžańni abstalavańnia situacyja zastajecca krytyčnaj, i terminy adnaŭleńnia paŭnavartasnaj pracy sietak pakul nie prahnazujucca.
Ciapier čytajuć
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki43
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary