Hałoŭčanka zaklučyŭ pahadnieńnie ab humanitarnaj dapamozie Danbasu
Na pasiadžeńni sajuznaha Saŭmina ŭ Maskvie abmierkavali chod vykanańnia 28 intehracyjnych prahram, sumiesnyja prajekty ŭ kulturna-humanitarnaj śfiery i mnohaje inšaje.
Pradstaŭniki Rasii i Biełarusi padpisali šerah dakumientaŭ pa vynikach pasiadžeńnia Saŭmina Sajuznaj dziaržavy ŭ Maskvie, paviedamlaje «Sputnik».
Cyrymonija prachodziła z udziełam premjeraŭ dźviuch krain Michaiła Mišuścina i Ramana Hałoŭčanki.
Siarod padpisanych pastanoŭ — sajuznaja prahrama ab madernizacyi abjektaŭ tyłavoha zabieśpiačeńnia, jakija płanujucca da sumiesnaha vykarystańnia ŭ intaresach zabieśpiačeńnia rehijanalnaj hrupoŭki vojskaŭ Biełarusi i Rasii na 2023-2027 hady.
Taksama padpisana pastanova ab akazańni humanitarnaj dapamohi ź biudžetu Sajuznaj dziaržavy navučencam i adukacyjnym arhanizacyjam «DNR» i «ŁNR».
Akramia taho, udzielniki pasiadžeńnia pryniali šerah inšych dakumientaŭ:
- — ab chodzie vykanańnia asnoŭnych napramkaŭ realizacyi pałažeńniaŭ Damovy ab stvareńni Sajuznaj dziaržavy na 2021-2023 hady i sajuznych prahram;
- — ab asnoŭnych napramkach realizacyi pałažeńniaŭ Damovy ab stvareńni Sajuznaj dziaržavy na 2024-2026 hady;
- — ab chodzie vykanańnia płana mierapryjemstvaŭ pa realizacyi ŭ 2022-2026 hadach kancepcyi mihracyjnaj palityki Sajuznaj dziaržavy;
- — rezalucyja sajuznaha Saŭmina «ab zadačach pa realizacyi stratehii navukova-technałahičnaha raźvićcia Sajuznaj dziaržavy na pieryjad da 2035 hoda».
Ciapier čytajuć
«Narod pavinien na hetu ŭładu malicca». Łukašenka patrabuje, kab paśla armii chłopcy viartalisia stroha na raniejšyja miescy pracy9
«Narod pavinien na hetu ŭładu malicca». Łukašenka patrabuje, kab paśla armii chłopcy viartalisia stroha na raniejšyja miescy pracy
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami77
Kamientary