Галоўчанка заключыў пагадненне аб гуманітарнай дапамозе Данбасу
На пасяджэнні саюзнага Саўміна ў Маскве абмеркавалі ход выканання 28 інтэграцыйных праграм, сумесныя праекты ў культурна-гуманітарнай сферы і многае іншае.
Прадстаўнікі Расіі і Беларусі падпісалі шэраг дакументаў па выніках пасяджэння Саўміна Саюзнай дзяржавы ў Маскве, паведамляе «Спутнік».
Цырымонія праходзіла з удзелам прэм'ераў дзвюх краін Міхаіла Мішусціна і Рамана Галоўчанкі.
Сярод падпісаных пастаноў — саюзная праграма аб мадэрнізацыі аб'ектаў тылавога забеспячэння, якія плануюцца да сумеснага выкарыстання ў інтарэсах забеспячэння рэгіянальнай групоўкі войскаў Беларусі і Расіі на 2023-2027 гады.
Таксама падпісана пастанова аб аказанні гуманітарнай дапамогі з бюджэту Саюзнай дзяржавы навучэнцам і адукацыйным арганізацыям «ДНР» і «ЛНР».
Акрамя таго, удзельнікі пасяджэння прынялі шэраг іншых дакументаў:
- — аб ходзе выканання асноўных напрамкаў рэалізацыі палажэнняў Дамовы аб стварэнні Саюзнай дзяржавы на 2021-2023 гады і саюзных праграм;
- — аб асноўных напрамках рэалізацыі палажэнняў Дамовы аб стварэнні Саюзнай дзяржавы на 2024-2026 гады;
- — аб ходзе выканання плана мерапрыемстваў па рэалізацыі ў 2022-2026 гадах канцэпцыі міграцыйнай палітыкі Саюзнай дзяржавы;
- — рэзалюцыя саюзнага Саўміна «аб задачах па рэалізацыі стратэгіі навукова-тэхналагічнага развіцця Саюзнай дзяржавы на перыяд да 2035 года».
Памятаеце выпускніка інстытута ФСБ, які раскатваў па Гродне са сцягам Наваросіі? Цяпер ён стаў варшаўскім бізнэсменам29
Каментары