Muž Paliny Šarendy-Panasiuk raskazaŭ pra chvalu salidarnaści ź joj
Za try miesiacy znachodžańnia ŭ homielskim SIZA Palina Šarenda-Panasiuk atrymała kala 50 paštovych pasyłak i banderolaŭ, bolš za 100 hrašovych pieravodaŭ. Pavodle słovaŭ jaje muža Andreja Šarendy, takaja chvala salidarnaści vielmi padtrymlivaje žančynu, piša «Bresckaja viasna».
U toj ža čas listy, jakija dasyłajuć Palinie, źniščajuć (kali list zakazny, to źniščajuć prosta ŭ prysutnaści žančyny, a prostyja listy navat bieź jaje viedama).
Taksama viadoma, što da palitźniavolenaj nie dajšli fotakartki jaje dziaciej, jakich žančyna nie bačyła ŭžo 3 hady.
15 śniežnia budzie razhladacca apielacyja na apošni prysud Palinie. Da taho času jana budzie znachodzicca ŭ homielskim SIZA, dzie jaje možna padtrymać. Kali apošni prysud pakinuć bieź źmienaŭ, to dalej u kałoniju ani hrošy, ani banderolki inšyja ludzi nie zmohuć dasłać (heta budzie dazvolena tolki blizkim svajakam).
Padtrymajcie Palinu hrašovymi pieravodami, pasyłkami i telehramami: SIZA-3. 246003, Homiel, Knižnaja, 1A, Palina Siarhiejeŭna Šarenda-Panasiuk
Čytajcie taksama:
U Słonimie na «Biełtranshazie» adbylisia zatrymańni
Ciapier čytajuć
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje88
Kamientary