Hramadstva66

Pačaŭsia sud nad byłym kiraŭnikom Bielinviestbanka. Bankiry raskazali, na čym prakałoŭsia Bryšcieleŭ

Sudziać dvuch bankiraŭ i biznesmiena. U čym byŭ sens schiemy? 

U krasaviku 2022 hoda «Naša Niva» paviedamlała ab zatrymańni staršyni praŭleńnia dziaržaŭnaha «Bielinviestbanka» Andreja Bryšcieleva.

Čytajcie taksama: Pa abvinavačvańni ŭ atrymańni chabaru zatrymany kiraŭnik Bielinviestbanka Andrej Bryšcieleŭ

Praz paŭtara hoda jaho pačali sudzić. Praces idzie ŭ Minskim haradskim sudzie. Abvinavačvańnie — atrymańnie chabaru (maksimalnaje pakarańnie — 15 hadoŭ) i złoŭžyvańnie ŭładaj (da 6 hadoŭ źniavoleńnia). 

Razam z byłym kiraŭnikom banka sudziać taksama Andreja Ramanienku — vykanaŭčaha dyrektara «Bielinviestbanka», jaki kuryravaŭ karparatyŭnyja finansy i, pa infarmacyi našych surazmoŭcaŭ, uznačalvaŭ kredytny kamitet banka.

 Andrej Ramanienka

Kredytny kamitet — heta rada ź niekalkich (da 10, jak praviła) čałaviek, jakija kalehijalna prymajuć rašeńni ab metazhodnaści vydačy kredyta toj ci inšaj arhanizacyi.

Razumiejučy śfiery adkaznaści fihurantaŭ, a taksama najaŭnaść treciaha abvinavačanaha — kamiersanta Ihara Piskunova, jaki prachodzić pa artykule «Dača chabara», — stanoviacca jasnyja abrysy spravy.

Detalami ich dapaŭniajuć surazmoŭcy «Našaj Nivy» u bankaŭskim siektary. 

«Bryšcieleŭ prakałoŭsia tolki ŭ tym momancie, što ŭziali jaho z paličnym. Było b inačaj — ničoha b dakazać nie ŭdałosia, tamu što sprava kredytavańnia vielmi tonkaja.

Pryčyna spravy Bryšcieleva — žadańnie kamiersanta atrymać kredyt, jaki jon nie pavinien byŭ atrymlivać zhodna z bankaŭskimi pratakołami.

Čamu nie pavinien? Naprykład, u arhanizacyi kiepski finansavy stan, abo finansavy stan dobry, ale jana patrabuje zavialikuju dla jaje sumu, abo ŭ kampanii patencyjna niebiaśpiečnyja zakłady. U takim razie bank nikoli nie budzie brać na siabie nieabhruntavanyja ryzyki. Vydaču kredyta pry najaŭnaści niejkich z hetych faktaraŭ prosta nie ŭzhodniać.

U takich vypadkach biznesmieny mohuć šukać vychady na ludziej z paŭnamoctvami, kab nacisnuć na kredytny kamitet. Tak adbyłosia z Bryšcielevym i Ramanienkam. 

Bryšcieleŭ moža nacisnuć na Ramanienku, a Ramanienka — na kredytny kamitet. Heta ŭ pryncypie kiepskaja historyja, kali ad načalnika kredytnaha kamiteta zaležać pracoŭnyja kantrakty inšych udzielnikaŭ. U pryvatnych bankach, jak praviła, takoje nie praktykujecca. 

Ličycca, što tak rašeńni ŭ dziaržaŭnych bankach časam prymajucca, ale nie pašancavała mienavita Bryšcielevu, jaki padstaviŭsia z paličnym. U inšych vypadkach dakazać namier i cisk vielmi składana, tamu što rašeńnie kalehijalnaje i adkaznaść razmytaja».

«Naša Niva» — bastyjon biełaruščyny

PADTRYMAĆ

Kamientary6

  • daviedka
    05.12.2023
    Etich bankirov hosbanka posadiat, nie to čto połkovnika KHB, byvšieho diriektora DFR i bankira «Biełhazprombanka» Anatolija Hromoviča, kotoroho užie stolko raz zadierživali i obviniali, a on spokojno siebie rukovodit priedprijatijem po proizvodstvu hofrokartona v Słonimie.
  • Zacikaŭleny
    05.12.2023
    Jašče navat sud nie adbyŭsia, a artykuł užo jak byccam usio dakazana.
    U lepšych tradycyjach dziaržaŭnych ŚMI
  • (7)
    05.12.2023
    daviedka , a syn jeho Biełazy tołkajet.

Ciapier čytajuć

U finskim sieryjale rasijanie vysadžvajuć desant z samalota «Biełavija». Što robiać Suomi?

U finskim sieryjale rasijanie vysadžvajuć desant z samalota «Biełavija». Što robiać Suomi?

Usie naviny →
Usie naviny

Prajšoŭ druhi etap abmienu rasijska-ŭkrainskaha abmienu vajennapałonnymi. Abmianiali i adnaho biełarusa2

Stała viadoma, kaho z rasijskich vajskoŭcaŭ lačyli ŭ balnicach Homielščyny ŭ pačatku vajny13

«Vyskačyć na vulicu ŭ karotkich spadničkach — heta vy mahli. I ŭsich hvałtavali tam». Łukašenka ŭspomniŭ kinošnikam 2020-y i zaklikaŭ spynicca23

«Vy za ŭsio adkažacie». Biełarusam na prajdzie va Urocłavie taksama pahražali nieviadomyja53

«Vakoł vajna, vakoł bušuje. Vaźmicie Finlandyju». Łukašenka pračytaŭ kinošnikam lekcyju pa mižnarodnym stanoviščy10

Jeŭrakamisija prapanuje źnizić vierchniuju miažu cany na naftu1

Telegram: My nikoli nie raskryvali pryvatnyja paviedamleńni trecim asobam6

Da vieteranaŭ śpiecnaza Paŭličenki pryjazdžaŭ niezvyčajny hość: biełarus, ale musulmanin3

Źnikli kryžy na mohiłkach u Hudahai

bolš čytanych navin
bolš łajkanych navin

U finskim sieryjale rasijanie vysadžvajuć desant z samalota «Biełavija». Što robiać Suomi?

U finskim sieryjale rasijanie vysadžvajuć desant z samalota «Biełavija». Što robiać Suomi?

Hałoŭnaje
Usie naviny →

Zaŭvaha:

 

 

 

 

Zakryć Paviedamić