Грамадства66

Пачаўся суд над былым кіраўніком Белінвестбанка. Банкіры расказалі, на чым пракалоўся Брышцелеў

Судзяць двух банкіраў і бізнэсмена. У чым быў сэнс схемы? 

У красавіку 2022 года «Наша Ніва» паведамляла аб затрыманні старшыні праўлення дзяржаўнага «Белінвестбанка» Андрэя Брышцелева.

Чытайце таксама: Па абвінавачванні ў атрыманні хабару затрыманы кіраўнік Белінвестбанка Андрэй Брышцелеў

Праз паўтара года яго пачалі судзіць. Працэс ідзе ў Мінскім гарадскім судзе. Абвінавачванне — атрыманне хабару (максімальнае пакаранне — 15 гадоў) і злоўжыванне ўладай (да 6 гадоў зняволення). 

Разам з былым кіраўніком банка судзяць таксама Андрэя Раманенку — выканаўчага дырэктара «Белінвестбанка», які курыраваў карпаратыўныя фінансы і, па інфармацыі нашых суразмоўцаў, узначальваў крэдытны камітэт банка.

 Андрэй Раманенка

Крэдытны камітэт — гэта рада з некалькіх (да 10, як правіла) чалавек, якія калегіяльна прымаюць рашэнні аб мэтазгоднасці выдачы крэдыта той ці іншай арганізацыі.

Разумеючы сферы адказнасці фігурантаў, а таксама наяўнасць трэцяга абвінавачанага — камерсанта Ігара Піскунова, які праходзіць па артыкуле «Дача хабара», — становяцца ясныя абрысы справы.

Дэталямі іх дапаўняюць суразмоўцы «Нашай Нівы» у банкаўскім сектары. 

«Брышцелеў пракалоўся толькі ў тым моманце, што ўзялі яго з палічным. Было б іначай — нічога б даказаць не ўдалося, таму што справа крэдытавання вельмі тонкая.

Прычына справы Брышцелева — жаданне камерсанта атрымаць крэдыт, які ён не павінен быў атрымліваць згодна з банкаўскімі пратаколамі.

Чаму не павінен? Напрыклад, у арганізацыі кепскі фінансавы стан, або фінансавы стан добры, але яна патрабуе завялікую для яе суму, або ў кампаніі патэнцыйна небяспечныя заклады. У такім разе банк ніколі не будзе браць на сябе неабгрунтаваныя рызыкі. Выдачу крэдыта пры наяўнасці нейкіх з гэтых фактараў проста не ўзгодняць.

У такіх выпадках бізнэсмены могуць шукаць выхады на людзей з паўнамоцтвамі, каб націснуць на крэдытны камітэт. Так адбылося з Брышцелевым і Раманенкам. 

Брышцелеў можа націснуць на Раманенку, а Раманенка — на крэдытны камітэт. Гэта ў прынцыпе кепская гісторыя, калі ад начальніка крэдытнага камітэта залежаць працоўныя кантракты іншых удзельнікаў. У прыватных банках, як правіла, такое не практыкуецца. 

Лічыцца, што так рашэнні ў дзяржаўных банках часам прымаюцца, але не пашанцавала менавіта Брышцелеву, які падставіўся з палічным. У іншых выпадках даказаць намер і ціск вельмі складана, таму што рашэнне калегіяльнае і адказнасць размытая».

«Наша Нiва» — бастыён беларушчыны

ПАДТРЫМАЦЬ

Каментары6

  • даведка
    05.12.2023
    Этих банкиров госбанка посадят, не то что полковника КГБ, бывшего директора ДФР и банкира «Белгазпромбанка» Анатолия Громовича, которого уже столько раз задерживали и обвиняли, а он спокойно себе руководит предприятием по производству гофрокартона в Слониме.
  • Зацікаўлены
    05.12.2023
    Яшчэ нават суд не адбыўся, а артыкул ужо як быццам усё даказана.
    У лепшых традыцыях дзяржаўных СМІ
  • (7)
    05.12.2023
    даведка , а сын его Белазы толкает.

Цяпер чытаюць

Ізраіль нанёс удары па Іране. Загінуў кіраўнік Корпуса вартавых ісламскай рэвалюцыі2

Ізраіль нанёс удары па Іране. Загінуў кіраўнік Корпуса вартавых ісламскай рэвалюцыі

Усе навіны →
Усе навіны

«Гэта вяршыня». Лукашэнка запатрабаваў ад чыноўнікаў выпрацаваць нацыянальную ідэю63

У Індыі разбіўся пасажырскі самалёт. На борце былі 242 чалавекі

Зоаабаронцы напісалі заяву на гаспадара дома, на канапе якога памёр лось17

«Кожны раз даказваю, што я чалавек». Сям'я беларусаў з польскімі каранямі чатыры гады спрабуе атрымаць ДНЖ у Польшчы13

Як быць маладым бацькам у 66 гадоў, пра мару і пра новы альбом — у гутарцы з легендаю фолку Іванам Кірчуком7

Дзяўчына з-пад Маладзечна некалькі месяцаў жыла ў Гданьску на вуліцы. Яна расказала пра сваё няпростае жыццё26

Названы топ-25 кампаній з беларускім капіталам на Падляшшы

Генштаб Украіны паведаміў, што страты Расіі перавысілі 1 мільён чалавек8

Прэзідэнт Сербіі пахваліўся, што не падпісаў дэкларацыю саміту ў Адэсе і «не здрадзіў» Расіі7

больш чытаных навін
больш лайканых навін

Ізраіль нанёс удары па Іране. Загінуў кіраўнік Корпуса вартавых ісламскай рэвалюцыі2

Ізраіль нанёс удары па Іране. Загінуў кіраўнік Корпуса вартавых ісламскай рэвалюцыі

Галоўнае
Усе навіны →

Заўвага:

 

 

 

 

Закрыць Паведаміць