«Vy navat nie ŭjaŭlajecie, nakolki mocna jany chočuć zaklučyć ździełku». Tramp raskazaŭ pra pieramovy ź Iranam
Prezident ZŠA Donald Tramp padčas razmovy z žurnalistami ŭ Biełym domie zajaviŭ, što ZŠA viaduć pieramovy ź Iranam, kab spynić bajavyja dziejańni. Pavodle jaho słoŭ, amierykanskaja administracyja kantaktuje z «patrebnymi ludźmi» ŭ Iranie, i tyja nibyta vielmi zacikaŭlenyja ŭ zaklučeńni ździełki, piša Reuters.
Tramp padkreśliŭ, što iranski bok hatovy iści na pahadnieńnie i choča hetaha «vielmi mocna».
«My viadziem pieramovy z tymi, z kim treba, i jany vielmi chočuć zaklučyć ździełku, vy navat nie ŭjaŭlajecie, nakolki mocna jany hetaha chočuć», — zapeŭniŭ amierykanski lidar, kažučy pra irancaŭ.
Jon taksama paviedamiŭ, što Iran užo zrabiŭ ZŠA značnuju sastupku ŭ enierhietyčnaj śfiery. Choć padrabiaznaści nie raskryvajucca, havorka, vierahodna, idzie pra situacyju vakoł Armuzskaha praliva — klučavoha maršrutu pastavak nafty i hazu ź Piersidskaha zaliva, jaki Iran faktyčna zabłakavaŭ paśla pačatku vajennych dziejańniaŭ suprać jaho.
Tramp nazvaŭ hety krok «ščodrym padarunkam», jaki maje vialikaje ekanamičnaje značeńnie i nie źviazany ź jadziernaj enierhietykaj.
Pry hetym jon nie ŭdakładniŭ, kali mohuć adbycca nastupnyja raŭndy pieramoŭ i ci buduć u ich udzielničać jaho pradstaŭniki. Viadoma, što niekatoryja krainy, naprykład Pakistan, užo vykazali hatoŭnaść stać placoŭkaj dla sustreč.
Pavodle nieaficyjnych źviestak, pieramovy pačalisia paśla sakretnych kantaktaŭ pamiž ZŠA i Iranam praz pasiarednikaŭ. Važnym momantam moh stać telefonny zvanok pamiž kiraŭnikom iranskaha MZS i pradstaŭnikom ZŠA, paśla jakoha Tramp vyrašyŭ časova spynić udary pa enierhietyčnych abjektach Irana i pierajści da dyjałohu.
Adnak Iran aficyjna admaŭlaje fakt takich pieramoŭ.
Ciapier čytajuć
Prabityja lohkija, razarvanaja piečań i seks z małaletniaj: što adbyvajecca ŭnutry biełaruskaj milicyi i jak načalstva heta chavaje19
Prabityja lohkija, razarvanaja piečań i seks z małaletniaj: što adbyvajecca ŭnutry biełaruskaj milicyi i jak načalstva heta chavaje
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju44
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju4
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary
Iran budiet imieť jadiernoje oružije, jeŝio bolšie razov́jot rakietnuju prohrammu, prochod po Ormuzkomu Prolivu budiet płatnym i v 3 raza dorožie, čiem čieriez Sueckij Kanał, niefť Irana, do śpiecopieracii, stoiła 60 baksov za barriel, tiepieŕ bolšie 100, eksport niefti Irana, do śpiecopieracii, v sutki, był 1.1 młn barrielej, tieppie 1.6 młn barrielej, narod objediniłsia vokruh fłaha Irana, iz-za nieprodumannoj, vniešniej ahrieśsii, riežim ajatołł ukriepiłsia.....
Monarchii Zaliva potieriali inviesticionnuju privlekatielnosť i budut ustanavlivať priamyje kontakty s ajatołłami, ihnoriruja intieriesy SŠA i Izraila.
Kitaj ukriepił svoi pozicii na Bližniem Vostokie.