Dynamika asnoŭnych makrapakazčykaŭ rasijskaj ekanomiki ŭ pačatku 2026 hoda stała admoŭnaj, zajaviŭ prezident Uładzimir Pucin na naradzie ab ekanamičnych pytańniach 23 sakavika, paviedamlaje The Moscow Times.
Pavodle danych Rasstata, vałavy ŭnutrany pradukt u studzieni byŭ na 2,1% nižejšy za ŭzrovień minułaha hoda, a pramysłovaść skaraciłasia na 0,8%.
Pucin adznačyŭ, što ničoha niečakanaha tut niama i padkreśliŭ nieabchodnaść viarnuć ekanomiku na šlach ustojlivaha rostu, nie dapuskajučy vysokaj inflacyi i destabilizacyi rynku pracy.
Fiederalny biudžet Rasii ŭ studzieni—lutym zaznaŭ deficyt na 3,5 tryljona rubloŭ (42,7 miljarda dalaraŭ) z-za źnižeńnia ahulnych dachodaŭ. Prezident zaklikaŭ prymać uzvažanyja miery dla zabieśpiačeńnia doŭhaterminovaj ustojlivaści biudžetu, bo jaho stan — važnaja ŭmova dla ekanamičnaha rostu.
Pavodle aficyjnaj statystyki, spad VUP u studzieni staŭ pieršym z 2023 hoda. Rost ekanomiki ŭ 2025 hodzie zamarudziŭsia da 1%, što amal u piać razoŭ nižej za papiaredni temp i ŭdvaja mienš za prahnozy ŭrada. Z 28 asnoŭnych halin pramysłovaści ŭ minusie akazalisia 21: zdabyča karysnych vykapniaŭ skaraciłasia na 1,6%, mietałurhija — na 2,1%, vytvorčaść adzieńnia i abutku — na 3,5%, upieršyniu za 15 hadoŭ upała vytvorčaść praduktaŭ charčavańnia na 0,5%.
Na 2026 hod urad pieršapačatkova prahnazavaŭ rost bolš jak na 2%, potym źniziŭ da 1,3%, ale navat hety pakazčyk moža być zanadta aptymistyčnym. Minekanamraźvićcia razhladaje mahčymaść źnižeńnia rostu da 0,7% i padrychtoŭku siekviestra biudžetu sa skaračeńniem usich vydatkaŭ na 10%, akramia vajny i sacyjałki.
Ekśpierty adznačajuć, što ekanamičnaje zapavoleńnie pryviadzie da niedachopu nieabaviazkovych dachodaŭ biudžetu, niahledziačy na padatkovuju reformu. Pa ich padlikach, dziaržava moža nie atrymać kala 500 miljardaŭ rubloŭ z PDV i 100—200 młrd z padatku na prybytak, a deficyt zamiest płanavanaha skaračeńnia moža vyraści da 8 trłn rubloŭ.
Raźviedka ZŠA: Pucin upeŭnieny, što pieramahaje va Ukrainie i moža vajavać z NATA
Usprymańnie Trampa Maskvoj źmianiłasia, zahavaryli pra vierałomstva i nienadziejnaść
U Kramli zajavili pra stratu instrumientaŭ dla prapahandy za miažoj paśla błakiroŭki Telegram
Pucin prapanavaŭ Jeŭropie znoŭ kuplać u jaho naftu i haz
Ciapier čytajuć
Koŭł Łukašenku: Tabie treba być bolš aściarožnym, za stałom kiepskich pacanoŭ zastaŭsia adzin ty10
Kamientary