Vizit biełaruskaj demakratyčnaj lidarki Śviatłany Cichanoŭskaj va Ukrainu adkładzieny na niavyznačany termin. Pra heta 24 sakavika vydańniu «Vot Tak» paviedamili jaje pres-sakratarka i krynicy va ŭkrainskich dypłamatyčnych kołach, piša «Biełsat».
Pajezdka ŭ Kijeŭ płanavałasia na 25 sakavika — Dzień Voli. U miežach vizitu Cichanoŭskaja pavinna była sustrecca z prezidentam Ukrainy Uładzimiram Zialenskim. Adnak novyja daty pakul nie vyznačanyja.
Jak udakładniła pres-sakratarka Cichanoŭskaj Hanna Krasulina, havorka idzie nie pra admienu, a pra pieranos pajezdki — praciahvajecca ŭzhadnieńnie hrafikaŭ. Pavodle infarmacyi ŭkrainskich dypłamataŭ, pryčynaj stali techničnyja abstaviny, u tym liku niesupadzieńnie raskładaŭ Cichanoŭskaj i Zialenskaha.
Pavodle nieaficyjnych źviestak, rašeńnie ab pieranosie mahło być pryniataje ŭ apošni momant: jašče ranicaj 24 sakavika žurnalistaŭ zaprašali aśviatlać vizit, adnak paźniej paprasili pačakać.
Zapłanavany vizit pavinien byŭ stać pieršym aficyjnym vizitam Cichanoŭskaj va Ukrainu. Raniej jana sustrakałasia ź Zialenskim u studzieni 2026 hoda ŭ Vilni, dzie atrymała ad jaho aficyjnaje zaprašeńnie.
Pra namier naviedać Ukrainu 25 sakavika Cichanoŭskaja zajaŭlała raniej, adznačajučy, što taki vizit moh by stać važnym sihnałam padtrymki Biełarusi i salidarnaści z ukrainskim narodam.
Ciapier čytajuć
U Słucku žančynu aštrafavali za pakinutyja kala śmietnicy dobraje adzieńnie i linoleum. Ludzi nie vytrymali, daviedaŭšysia pra heta2
U Słucku žančynu aštrafavali za pakinutyja kala śmietnicy dobraje adzieńnie i linoleum. Ludzi nie vytrymali, daviedaŭšysia pra heta
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2222
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki22
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary