U Pinsku pradajuć kvateru Alaksieja Packo — byłoha sudździ, jaki admoviŭsia sudzić pratestoŭcaŭ
Kvatera ź ipatekaj, tamu farmalna jana naležyć banku — ale jaje ŭsio adno pradajuć.
U Pinsku pradajuć kvateru sudździ, jaki ŭ 2020 hodzie admoviŭsia sudzić udzielnikaŭ pratestaŭ, zvolniŭsia z pracy i vyjechaŭ za miažu. Packo paćvierdziŭ «Našaj Nivie», što havorka mienavita pra jaho nieruchomaść.
Dvuchpakajoŭka płoščaj 60 kvadratnych mietraŭ pradajecca na dziaržaŭnym aŭkcyjonie. Žyllo znachodzicca pad aryštam: adkrytaja vykanaŭčaja vytvorčaść, jość zabarona na rehistracyjnyja dziejańni. Aŭkcyjon pryznačany na 7 krasavika.
Alaksiej paćvierdziŭ «Našaj Nivie», što kvatera, jakuju pradajuć, sapraŭdy naležyć jamu. Mužčyna kaža, što nie atrymlivaŭ nijakich dakumientaŭ nakont prodažu kvatery i tamu nie viedaje detali, jak kvatera apynułasia na aŭkcyjonie.
Nieruchomaść nabytaja z dapamohaj ilhotnaha kredytu, tamu farmalna jaje ŭłaśnikam ličycca bank. Alaksiej Packo kaža, što spraŭna vypłačvaje kredyt na kvateru, adnak pryznaje, što na toj kvatery moža być nievialikaja zapazyčanaść pa kamunałcy.
Alaksiej Packo pracavaŭ u sudzie Pinskaha rajona i Pinska. Paśla padziej 2020 hoda jon staŭ adnym ź niamnohich sudździaŭ, chto admoviŭsia razhladać administracyjnyja spravy suprać pratestoŭcaŭ i vynosić sutki. Paśla hetaha jaho adchilili ad pracy, a paśla zvolnili. Kali ž u 2021 hodzie były sudździa sutyknuŭsia ź pieraśledam siłavikoŭ i zaviadzieńniem kryminalnaj spravy, to razam ź siamjoj vyjechaŭ ź Biełarusi.
«Naša Niva» — bastyjon biełaruščyny
Ciapier čytajuć
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny26
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary
A kali sudziš pa zakonie — ty ŭžo prablema.