Jon pravioŭ za kratami dva z pałovaj hady.
Michaił Łapienas byŭ zatrymany 12 maja 2021 hoda za ŭdzieł u zakrytym čacie pradpryjemstva «Volnaje panstva», piša «Viasna».
Zhodna z materyjałami śledstva, Michaił u zakrytym karparatyŭnym čacie «z matyvaŭ palityčnaj varožaści zaklikaŭ udzielnikaŭ da ŭdziełu ŭ niesankcyjanavanych mierapryjemstvach, abraziŭ Juryja Karajeva i Alaksandra Łukašenku».
Śviedkam pa spravie prachodziŭ były supracoŭnik «Biełarusnafty», jaki i stvaryŭ hety čat. Jon raskazaŭ, što hety čat byŭ stvorany vyklučna dla pracoŭnych abmierkavańniaŭ, ale paśla vybaraŭ jahonyja ŭdzielniki pačali pisać tam «pra palityku».
16 śniežnia 2021 hoda naftavika asudzili pavodle troch kryminalnych artykułaŭ da troch hadoŭ kałonii. Termin mužčyna adbyvaŭ u škłoŭskaj kałonii № 17. 9 śniežnia jon vyjšaŭ na volu.
Kamientary