Siłaviki paćvierdzili, što minski školnik, jaki «pahražaŭ» raźnioj u Salihorsku, staŭ achviaraj svatynhu
Učora, 12 śniežnia, pa roznych salihorskich supołkach prakaciłasia chvala paviedamleńniaŭ uźjušanych žycharoŭ. Maŭlaŭ, niechta choča zładzić masavuju raźniu ŭ miascovych škołach. Spasyłki viali na kanał «Salihorskaja hulnia», na jakim vykładali pahrozy na adras salihorskich dziaciej. My chutka razabralisia ŭ hetaj situacyi i rastłumačyli, u čym tut sprava. A siońnia našy ŭčarašnija zdahadki, «apieratyŭna pravieryŭšy infarmacyju», paćvierdzili siłaviki.
Pavodle paviedamleńnia Śledčaha kamiteta, supracoŭniki milicyi «ŭstanavili asobu padletka, ad imia jakoha była rassyłka paviedamleńniaŭ». Toj nibyta nie čakaŭ ich vizitu, bo tolki ad ich daviedaŭsia pra ŭsiu situacyju.
Pry ahladzie mabilnaha telefona 15-hadovaha padletka milicyjanty vyśvietlili, što chłopiec zachaplajecca kampjutarnymi hulniami i maje niekalki akaŭntaŭ u miesiendžarach i sacyjalnych sietkach. Napiaredadni jamu ŭ telehramie pryjšło paviedamleńnie z zaklikam ustupić zakryty hulniavy čat horada Salihorska, jakoje jon praihnaravaŭ. A paśla ŭ hetym čacie akurat i byli vyjaŭlenyja paviedamleńni ad imia hetaha školnika.
Paviedamleńni, jak było vyjaŭlena, «rassyłalisia z abanienckaha numara zamiežnaj dziaržavy», što nie praročyć dobrych pierśpiektyŭ dla pošukaŭ sapraŭdnych arhanizataraŭ svatynhu. Ahresiŭnaść jakoha nibyta «ŭviała ŭ šok navat pravaachoŭnikaŭ».
Čytajcie taksama:
U Salihorsku rychtujuć zabojstvy dziaciej? Nie. Voś što adbyłosia i čamu panikavać nie varta
U Minsku 17-hadovy padletak zamoviŭ «miniravańnie» ad imia znajomaha
Ciapier čytajuć
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju2
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary