Vykładčyka Sialeckaha zvolnili ź EHU. Raniej jaho abvinavačvali ŭ charasmiencie
Vykładčyk EHU i mastak Siarhiej Sialecki, jakoha studentki abvinavacili ŭ charasmiencie, bolš nie pracuje va ŭniviersitecie. «Našaj Nivie» paćvierdzili heta ŭ adździele kamunikacyi EHU.
Skandał vakoł asoby Sialeckaha razhareŭsia vosieńniu 2023 hoda. U siaredzinie vieraśnia mastak źbiraŭsia ładzić svaju vystavu ŭ vilenskaj prastory CreateCulture Space, ale padzieju admianili paśla taho, jak da prastory źviarnulisia niezadavolenyja. Ludzi cikavilisia, čamu prastora ličyć mahčymym arhanizoŭvać vystavu čałavieka z sumnieŭnaj reputacyjaj.
Tady ž u biełaruskich niezaležnych miedyja źjavilisia śviedčańni žančyn, jakija sutykalisia ŭ EHU z charasmientam i bulinham z boku Sialeckaha. «Naša Niva» taksama rasśledavała hetuju historyju. Dźvie byłyja studentki Sialeckaha i adna ciapierašniaja raskazali pra parušeńni etyki z boku vykładčyka. Abvinavačvańni datavalisia roznymi hadami, ale mastak pa-raniejšamu pracavaŭ u ścienach EHU.
Paśla sieryi publikacyj va ŭniviersitecie raspačali ŭnutranaje rasśledavańnie, a Sialeckaha adchilili ad pracy. Była stvoranaja kamisija, jakaja musiła zasłuchać śviedčańni mierkavanych achviar vykładčyka, a potym pieradać rekamiendacyi rektaru, kab toj pryniaŭ rašeńnie nakont dalejšaj pracy z mastakom. I 15 śniežnia stała viadoma, što Siarhiej Sialecki zvolnieny ź EHU.
Kiejs Sialeckaha pakazvaje, što ŭ biełaruskaj ustanovie moža być miesca kultury admieny i rasśledavańnia abvinavačvańniaŭ u charasmiencie, a taksama abarony pravoŭ žančyn.
«Naša Niva» — bastyjon biełaruščyny
PADTRYMAĆVykładčyka EHU, jakoha vinavaciać u charasmiencie, adchilili ad pracy. Na niekalki dzion
-
«Paša, ja tabie nie vieru». Sieviaryniec raskazaŭ, jak vypadkovaja dziaŭčyna matyvavała jaho nazaŭsiody pierajści na biełaruskuju movu
-
«Jana nie dačakała hetaha dnia, ale hety dzień dačakaŭ jaje»: Łarysie Hienijuš paśmiarotna vydali Nacyjanalny pašpart Biełarusi
-
Darožnyja štrafy buduć śpisvać z kartki aŭtamatyčna. Ale nie va ŭsich vypadkach
Ciapier čytajuć
«Paša, ja tabie nie vieru». Sieviaryniec raskazaŭ, jak vypadkovaja dziaŭčyna matyvavała jaho nazaŭsiody pierajści na biełaruskuju movu3
Kamientary