Pra toje, što Słucki chlebazavod bolš nie budzie vypuskać chleb pad nazvaj «Bulbaš», paviedamiŭ u fejsbuku «moŭny inśpiektar» Ihar Słučak. U 2018 hodzie, to-bok piać hadoŭ tamu, jon razam z Alinaj Nahornaj zapuściŭ kampaniju «Stop Bulbaš», vystupiŭšy suprać vykarystańnia abraźlivaha słova ŭ naźvie biełaruskaha pradukta.
«Chleb «Bulbaš» vypuskaŭsia Słuckim chlebazavodam z 2007 hoda i, pa słovach samoha zavoda, ličyŭsia jaho ci nie hałoŭnym brendam, jaki pieramahaŭ na roznych konkursach. U 2018 hodzie my pačali kampaniju «Stop Bulbaš» jak suprać samoha abraźlivaha słova «bulbaš», tak i suprać litary ' na biełaruskich šyldach i etykietkach. Mienavita suprać chleba my tady źbirali podpisy słučakoŭ i padavali kalektyŭny zvarot. Tady chlebazavod ad mierkavańnia ludziej admachnuŭsia i prybirać abraźlivuju nazvu z pakunka chleba nie staŭ.
Ale my nie pakinuli hetuju spravu i praciahvali nie tolki vybivać bulbaša z asartymientu zavoda, ale i biełarusizavać Słucki chlebazavod — biełaruskaj movy na jaho etykietkach nie było.
I voś prajšło 5 hod, skončvajecca 2023 hod, i my majem kaladnyja padarunki — biełaruskaja mova na novych vidach pradukcyi Słuckaha chlebazavoda źjaŭlajecca ci nie kožny kvartał, a chleb «Bulbaš» narešcie źniaty z vytvorčaści», — napisaŭ Słučak.
Ihar Słučak i Alina Nahornaja — zasnavalniki inicyjatyvy «Umovy dla movy», jakaja zajmajecca abaronaj i papularyzacyjaj biełaruskaj movy. Jany da apošniaha zastavalisia ŭ Biełarusi, adnak paśla taho, jak ichnija akaŭnty ŭ sacsietkach «Naša mova» i «Našaja mova» byli pryznanyja «ekstremisckimi materyjałami», źjechali z krainy i ciapier žyvuć u Litvie.
Karcina z kocikami za 1000 jeŭra i hierbaryj za 250. Jakija łoty pradali na aŭkcyjonie, kab sabrać hrošy na padarunki dzieciam palitviaźniaŭ
«Bajsoł» abjaviŭ akcyju «Padorym dzieciam cud», Ihar Słučak padtrymaŭ jaje aŭkcyjonam
«Na nas hladzieli jak na varjataŭ. Doktarka admoviłasia prymać rody, bo mianie mahli paznać». Jak siamja Nahornaj i Słučaka chavałasia ad siłavikoŭ
BYSOL evakujavaŭ siamju Ihara Słučaka i Aliny Nahornaj
Kamientary