U biełaruskich kramach stanie mienš harełki i pładovych vinaŭ. Što zdaryłasia?
Zatoje budzie naroščvacca vypusk mienš papularnych napojaŭ, naprykład, romu, kańjaku, tekiły.
Vytvorčaść harełki i pładovych vinaŭ u Biełarusi skarociać u 2024 hodzie. Kvoty na vyrab pradukcyi ŭstanoŭlenyja Saŭminam u pastanovie na Nacyjanalnym pravavym internet-partale, piša Tochka.by.
Harełki stanie mienš na 4,6%, a fruktova-jahadnych i macavanych vinaŭ na 14,1%. Z čym źviazanyja takija źmieny, nie paviedamlajecca.
Zatoje budzie naroščvacca vypusk mienš papularnych napojaŭ, naprykład, romu, kańjaku, tekiły.
U ličbach heta vyhladaje nastupnym čynam:
- harełka i likiora-harełačnyja vyraby — 10,54 młn dekalitraŭ (u adnym dekalitry 10 litraŭ) (-503,7 tys. dał)
- harełka vinahradnaja — 5,5 tys. dał (+3 tys. dał)
- viny fruktova-jahadnyja naturalnyja — 5,183 młn dał (-308 tys. dał)
- viny pładovyja macavanyja maračnyja, palepšanaj jakaści i śpiecyjalnaj technałohii — 2,524 młn dał (-963 tys dał)
- kańjak — 930 tys. dał (+235 tys. dał)
- brendzi — 177 tys. dał (-4 tys. dał)
- viski — 397 tys. dał (+80,5 tys. dał)
- rom — 44,5 tys. dał (+13,5 tys. dał)
- tekiła — 18,5 tys.dał (+4,5 tys. dał).
Pastanovaj vyznačany i abjomy vytvorčaści antysieptykaŭ. Dezinfikujučych i antysieptyčnych lekavych srodkaŭ taksama buduć vypuskać mienš — na 15 i 58 tys.dał adpaviedna.
Kolki biełarusy pjuć
U 2022 hodzie biełarusy vypili 11,8 litra čystaha śpirtu na dušu nasielnictva, raniej raspaviadaŭ śpiecyjalist Respublikanskaha navukova-praktyčnaha centra psichičnaha zdaroŭja Arciom Małmyhin.
U raźlik bralisia ŭsie, chto starejšy za 15 hadoŭ.
«U paraŭnańni z 2021 hodam pakazčyk u nas troški źmienšyŭsia. Ale za piacihodku jon praktyčna nie źmianiŭsia», — skazaŭ Małmyhin.
Vyjšaŭ na svabodu biełarus, jakoha ŭ svoj čas prysudzili da pažyćciovaha źniavoleńnia. Heta pieršy viadomy taki vypadak9
Kamientary