Siaredni pamier pałavoha člena za apošnija dziesiacihodździ rezka vyras. Voś čamu heta moža być kiepski znak
Daśledavańni mužčyn z usiaho śvietu demanstrujuć, što siaredniaja daŭžynia pienisa ŭ stanie erekcyi za apošnija 30 hadoŭ vyrasła na 24%.
Vučonyja z ZŠA praviali daśledavańnie, padčas jakoha pasprabavali vyśvietlić, jak źmiena daŭžyni pałavoha člena ŭpłyvajuć na mužčynskuju repraduktyŭnuju sistemu. Z vynikami jany paznajomili na staronkach časopisa The World's Journal of Menʼs Health.
Hrupa navukoŭcaŭ pad kiraŭnictvam doktara miedycyny, urołaha ź Miedycynskaj škoły Stenfardskaha ŭniviersiteta Majkła Ajzenbierha (Michael Eisenberg) praviała mietaanaliz źviestak 75 daśledavańniaŭ, jakija byli praviedzienyja ŭ pieryjad z 1942 pa 2021 hod i dzie ŭtrymlivalisia źviestki ab daŭžyni pałavoha člena ŭ 55 761 mužčyny.
Pa słovach Ajzenbierha, jakoha cytuje vydańnie USA Today, da pačatku daśledavańnia vučonyja mierkavali, što vyjaviać źmianšeńnie daŭžyni hetaha orhana ŭ mužčyn. Ale vyniki ich urazili. Za apošnija 29 hadoŭ siaredniaja daŭžynia pałavoha člena ŭ stanie erekcyi pavialičyłasia na 24% (z 12,2 da 15,2 sm). I hetaja tendencyja nazirałasia va ŭsim śviecie.
Paradoks u tym, što paralelna z rostam pamieru mužčynskaha orhana nazirajecca padzieńnie kolkaści śpiermatazoidaŭ u siemi i ŭzroŭniu testasteronu ŭ mužčyn.
Ajzenbierh adznačaje, što takija istotnyja źmieny ŭ daŭžyni pienisa za adnosna karotki pieryjad času vyklikajuć zakłapočanaść:
«Kali my nazirajem takija chutkija źmieny, heta značyć, što z našym ciełam adbyvajecca niešta istotnaje. Nieabchodna vyznačyć pryčynu hetaha».
Pa słovach vučonaha, pavieličeńnie pamieru pienisa moža być jašče adnym indykataram taho, što niehatyŭnyja źmieny ŭ navakolnym asiarodździ, a taksama rost małaruchomaha ładu žyćcia vyklikajuć źmieny ŭ repradukcyjnaj funkcyi.
Na harmanalnuju sistemu moža ŭpłyvać šerah faktaraŭ. Siarod ich uździejańnie chimičnych rečyvaŭ, naprykład, piestycydaŭ ci srodkaŭ hihijeny. Jany parušajuć rabotu endakrynnaj sistemy. I takich rečyvaŭ šmat jak u navakolnym asiarodździ, tak i ŭ našym racyjonie.
Chimičnaje ŭździejańnie taksama ličycca pryčynaj bolš rańniaha pałavoha vyśpiavańnia chłopčykaŭ i dziaŭčatak. Ale hetaja hipoteza patrabuje bolš dokazaŭ.
Čytajcie jašče:
Apublikavanaja karta pamieraŭ pienisa pa krainach
Intensiŭnaść vykarystańnia mabilnika ŭpłyvaje na jakaść śpiermy — navukoŭcy
Čamu pienis maje formu hryba? Navukoŭcy znajšli pryčynu
Ciapier aficyjna: mužčyny z kompleksam małoha pienisa čaściej vybirajuć spartyŭnyja aŭtamabili
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia3
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu77
Kamientary