Chłopiec źniaŭ tyktok, jak adroźnić biełarusa. Hetuju rysu vy dakładna viedajecie
Stendapier Jaŭhien Burakievič apublikavaŭ karotki rolik pra asablivaść bolšaści biełarusaŭ. Videa ŭ tyktoku sabrała 837 tysiač prahladaŭ.
U videa chłopiec staić na pierakryžavańni z vulicaj Kamunistyčnaj u Minsku i čakaje, pakul na śvietłafory zaharycca zialonaje śviatło. Heta viečar ci noč, vakoł — nivodnaha čałavieka, mašyn taksama niama, ale biełarus pasłuchmiana čakaje, kali zaharycca pravilnaje śviatło.
Podpis da rolika — «zaŭsiody tak rablu». A ŭ samim videa stendapier apisvaje situacyju tak: «Jak skazać, što ty biełarus, nie kažučy ni słova».
Niekatoryja z kamientataraŭ pahadžajucca:
«Heta ŭ nas u kryvi i na ŭzroŭni refleksu».
«U nas prosta dobraje vychavańnie».
«Usio pravilna, paradak treba pačynać ź siabie».
«Pierajechała ŭ Biełaruś 5 hadoŭ tamu, taksama panabrałasia padobnaha».
«Tak! Byli ŭ Minsku pieršy raz i ja była ŭ šoku, jak ludzi stajać i nie pierachodziać na čyrvonaje, navat kali nikoha navokał niama, my ŭ Maskvie nie zmahli b tak».
Takaja rysa natchniaje nie ŭsich. Častka ludziej ličać, što možna było b być i bolš praktyčnymi:
«Tamu što my ciarpiły ŭsie».
«Mianie ŭsie siabry za heta nienavidziać».
Znajšlisia i vyklučeńni:
«Ja na čyrvonaje idu, navat kali mašyny jeduć, chacia ja i biełarus».
Adkul takoje imknieńnie da pravilnaści? Niechta napisaŭ u kamientary, što jamu fizična robicca baluča, kali jon pierachodzić na čyrvonaje. Inšyja kamientatary zhadvajuć vypadki, kali jany śmieła pierachodzili pustuju darohu na čyrvonaje, i raptam adniekul źjaŭlalisia milicyjanty abo daišniki.
Adna kamientatarka raskazvaje, što jaje siabar-italjaniec taksama pierachodzić darohu na zialonaje, što siarod italjancaŭ sustrakajecca redka. Niekali hety čałaviek žadaŭ pierabiehčy darohu na čyrvonaje, ale jamu pieraharadziŭ darohu pałačkaj stary čałaviek i spytaŭ: «Synok, a kali ciabie z akna pabačyć dzicia? Błaha tak rabić!» Z tych časoŭ italjaniec abiraje tolki pravilnaje śviatło.
«Naša Niva» — bastyjon biełaruščyny
PADTRYMAĆČytajcie taksama:
U Kryžanoŭskaha zhubiłasia kotka. Navahodniuju noč jana praviała na vulicy
-
U siecivie źjaviłasia videa z aŭtobusam MAZ, padłoha ŭ jakim varušycca, niby dyvan-samalot
-
«Abo toŭstyja pisali, abo ź dziećmi». Fanat Łukašenki Žan Sodziel nie zmoh znajści žonku i aburajecca, što «dziaŭčaty pajšli nie tyja»
-
Kryścinie Arbakajcie zabaranili ŭjezd u Łatviju praz pahrozu nacyjanalnaj biaśpiecy
Amierykancy dabilisia vyzvaleńnia Juryja Ziankoviča. Jon byŭ prysudžany da 11 hadoŭ źniavoleńnia18
Kamientary