Łukašenka anansavaŭ amnistyju-2024 i choča pierahledzieć niekatoryja artykuły Kryminalnaha kodeksa
Jaje chočuć pryśviacić 80-hodździu vyzvaleńnia Biełarusi ŭ časie Druhoj suśvietnaj vajny.
Hałoŭnaje pytańnie: ci zakranie amnistyja choć kaho z palityčnych? Papiaredniaja palitźniavolenych nie zakranuła.
«U hetym hodzie my adznačym 80-hodździe z dnia vyzvaleńnia Biełarusi ad niamiecka-fašysckich zachopnikaŭ, — skazaŭ Łukašenka. — I kali my prymiem stanoŭčaje rašeńnie, to z ulikam asablivaści daty amnistyja pavinna mieć adroźnieńni. Treba budzie bolš uvažliva pahladzieć na žančyn i dziaciej, na žančyn ź dziećmi, inšyja katehoryi asudžanych».
Taksama Łukašenka ŭźniaŭ pytańnie «spraviadlivaści mier kryminalnaha pakarańnia».
«My niaŭchilna paŭtarajem: dziejnaść dziaržaŭnych orhanaŭ, hramadskich instytutaŭ pavinna budavacca na pryncypie spraviadlivaści. Heta datyčycca i kryminalnaj palityki. Spraviadlivaść pavinna pranizvać uvieś kryminalny zakon i praktyku jaho prymianieńnia», — padkreśliŭ jon.
«Pa maim daručeńni Administracyjaj praanalizavany šerah artykułaŭ Kryminalnaha kodeksa i ich realizacyja. Uźnikajuć pytańni ŭ suviazi z hetym, treba pahladzieć, kaho my zatrymlivajem, kaho asudžajem. Ci adpaviadajuć naznačanyja miery pakarańnia ciažkaści złačynstvaŭ i toj niebiaśpieki, jakuju ŭjaŭlajuć hetyja ludzi dla hramadstva?» — vykazaŭsia jon.
Ciapier čytajuć
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary