Tysiačy baškiraŭ sabralisia kala suda padtrymać svajho nacyjanalnaha aktyvista
U Baškartastanie niekalki tysiač čałaviek sabralisia na vyniasieńnie prysudu miascovamu aktyvistu Failu Ałsynovu. U vyniku prysud pieranieśli na 17 studzienia.
Pa danych miascovaha telehram-kanała «Kuštau Bajram», kala suda sabrałasia kala 5 tysiač čałaviek: «kala 2,5-3 tysiač — na vulicy, praktyčna stolki ž siadziać pa mašynach».
U 2023 hodzie eks-lidar zabaronienaj u RF baškirskaj arhanizacyi «Baškart» Fail Ałsynaŭ vystupaŭ na mitynhach suprać zołatazdabyčy ŭ rehijonie. Jak ličyć śledstva, u krasaviku na adnoj z akcyj jon pramaŭlaŭ na baškirskaj movie i vykazaŭsia suprać mihrantaŭ, jakija pracavali na kapalniach (aktyvisty nastojvajuć, što pierakład pramovy, jaki byŭ pradstaŭleny ŭ sudzie, naŭmysna skazili).
Ekśpierty znajšli ŭ vykazvańniach prykmiety raspalvańnia varožaści i abvinavacili jaho ŭ ekstremiźmie. U piatnicu dla jaho zapytali 4 hady kałonii-pasialeńnia.
Siońnia rankam da suda pryjechali kala 5 tysiač čałaviek.
Ludzi skandavali: «Biez kara chałyk, biez kara chałyk!», što pierakładajecca jak «my čorny lud», «my čorny narod».
Mienavita heta vykazvańnie lahło ŭ asnovu abvinavačvańnia ŭ ekstremiźmie i raspalvańni nianaviści.
U svajoj pramovie aktyvist, u pryvatnaści, skazaŭ, što «armianie źjeduć na svaju radzimu, «kara chałyk» — da siabie, ruskija — u svaju Razań, tatary — u svoj Tatarstan». «My nie zmožam pierasialicca, u nas niama inšaha doma, naš dom tut!»— kazaŭ aktyvist.
Vyraz «kara chałyk» u litaralnym pierakładzie aznačaje «čorny narod», heta ŭmoŭnaja nazva fieadalna-zaležnaha nasielnictva Załatoj Ardy i inšych tatarskich dziaržaŭ u XIII— XVI stahodździach, u sučasnych ciurkskich movach hety vyraz vykarystoŭvajecca dla abaznačeńnia prostaha naroda, pisali «Idel.Realija».
Śpiecyjalist Ufimskaha ŭniviersiteta navuki i technałohij Ajnur Chužachmietaŭ, jaki padrychtavaŭ linhvistyčnuju ekśpiertyzu, pakazaŭ, što «značeńnie słovazłučeńnia adpaviadaje značeńniu słoŭ «chačy», «čurki», «čarnamazyja».
-
«My całkam razumiejem, jakaja tam dziaržava». Litoŭskija pieravozčyki nie źbirajucca padavać pazovy ŭ biełaruskija sudy praz zatrymanyja fury
-
Pierad apieracyjaj zachopu Madura Vatykan prasiŭ pra jahonuju evakuacyju ŭ Rasiju
-
U Madrydzie zakryli kitajski restaran, u jakim pad vyhladam kačak ludziej karmili hałubami
Ciapier čytajuć
Dziejačy emihracyi pasvarylisia z nahody śpisaŭ zaprošanych na pryjom da prezidenta Polščy57
Dziejačy emihracyi pasvarylisia z nahody śpisaŭ zaprošanych na pryjom da prezidenta Polščy
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach1515
Kamientary