Rynkavy košt Microsoft vyras bolš čym na 1 trłn dalaraŭ.
Microsoft abahnała Apple i stała najbujniejšaj u śviecie kampanijaj pa rynkavaj kapitalizacyi dziakujučy svajoj hłybokaj zasiarodžanaści na štučnym intelekcie — siektary, jaki karystajecca ŭsio bolšaj prychilnaściu inviestaraŭ, piša Reuters.com.
Technałahičny hihant, jaki razam z Nvidia (NVIDIA.O) i Amazon (AMZN.O), što nadavali značnuju ŭvahu štučnamu intelektu, pieražyli značny skačok na rynku za apošni hod. Charakterna, što rynkavy košt Microsoft vyras bolš čym na 1 trłn dalaraŭ.
Analityki pravodziać paraleli pamiž hetym zrucham i pačatkam 2000-ch hadoŭ, kali technałahičnyja i internet-kampanii pačali vyciaśniać spažyvieckija i finansavyja firmy na piarednim krai najvyšejšych ešałonaŭ rynku.
Rynkavaja kapitalizacyja Microsoft skłała $2,887 trłn, što źjaŭlajecca samym vysokim pakazčykam za ŭsiu historyju, u toj čas jak rynkavaja kapitalizacyja Apple skłała $2,875 trłn na momant zakryćcia tarhoŭ u piatnicu paśla dasiahnieńnia maksimumu ŭ $3,081 trłn 14 śniežnia.
Microsoft ukaraniła technałohiju OpenAI u svoj nabor prahramnaha zabieśpiačeńnia dla pavyšeńnia pradukcyjnaści, što dapamahło ažyvić biznes u śfiery vobłačnych rašeńniaŭ u lipieni-vieraśni. Lidarstva ŭ vobłaści štučnaha intelektu taksama dało mahčymaść kinuć vyklik daminavańniu Google u veb-pošuku.
Ź inšaha boku, Apple sutykajecca z prablemami ŭ suviazi z padzieńniem popytu, uklučajučy fłahmanski pradukt iPhone.
Kampanija adčuvaje asablivyja ciažkaści ŭ Kitai — klučavym rynku, dzie adnaŭleńnie ekanomiki paśla pandemii COVID-19 było mlavym, a kankurencyja z boku Huawei, jakaja adradžajecca, uzmacniajecca, što adbivajecca na jaje doli rynku.
Ciapier čytajuć
Paśla źniknieńnia śpikierki Mielnikavaj niama dostupu da rachunkaŭ Kaardynacyjnaj rady40
Kamientary