Francyja pačała testavańnia sistemy vydačy ličbavych viz. Hetaja kraina stała pieršaj u Jeŭropie, jakaja afarmlaje šenhienskija vizy anłajn. Pra heta paviedamlaje ŭ svaim telehram-kanale pasolstva Francyi ŭ Biełarusi.
Abjaŭlena, što pryjarytet u vydačy ličbavych viz addadzieny spartsmienam, delehacyjam i žurnalistam, jakija jeduć u Paryž na Alimpijskija i Paralimpijskija hulni. Usiaho Francyja źbirajecca vydać da Alimpijady kala 70 tys. ličbavych viz.
Zajaŭki na ličbavuju vizu ŭžo možna padavać praź śpiecyjalny partał. Heta dazvalaje paźbiehnuć časavych vydatkaŭ na naviedvańnie konsulstvaŭ i vizavych centraŭ.
Rada Jeŭrasajuza 13 listapada ŭchvaliła novyja praviły afarmleńnia šenhienskich vizaŭ: padavać dakumienty možna budzie anłajn, a zamiest vizy, naleplenaj u pašpart, źjaviacca štrych kody.
Kamientary