U Minabarony Litvy prakamientavali infarmacyju Bild ab budučaj vajnie Rasii i NATA
Pavodle źviestak vajennaha viedamstva Litvy, pakul va Ukrainie praciahvajucca intensiŭnyja bai, u Rasii niama resursaŭ na adkryćcio druhoha frontu.
Niamieckaje vydańnie Bild u kancy śniežnia 2023 hoda sprahnazavała, što ŭzbrojenyja siły Niamieččyny rychtujucca da rasijskich pravakacyj na ŭschodnim fłanhu NATA, na heta adreahavała Minabarony Litvy, piša Delfi.lt.
Pavodle źviestak ministerstva, pakul va Ukrainie praciahvajucca intensiŭnyja bai, u Rasii niama resursaŭ na adkryćcio druhoha frontu.
«Pakul nie zaviaršylisia bai va Ukrainie, ciažka mierkavać, što Rasija pieraraźmierkuje pryjarytety i pačnie hurtavać siły ŭ inšych kirunkach», — skazana ŭ kamientary Minabarony. Adnak, sa słoŭ ministerstva, Rasija płanuje doŭhaterminovaje pavieličeńnie sił u zachodnim kirunku.
«Dla hetaha raspracavanyja płany pašyreńnia infrastruktury i vajskovych častak, pravodziać infrastrukturnyja źmieny, dzielać śfiery kamandavańnia», — adznačaje Minabarony.
Pavodle źviestak Ministerstva, pradstaŭlenaja viedamstvam acenka pahroz niejkich istotnych źmien nie źviedała.
«Rasija zachoŭvaje značnyja mahutnaści i pastajanna ich papaŭniaje na linii frontu va Ukrainie. Pryjarytet Rasii na hety momant — nie prajhrać u vajnie z Ukrainaj, jana nakiroŭvaje na heta peŭnyja resursy», — zajavili ŭ Ministerstvie.
Nahadajem, što Bild paviedamiŭ, byccam Ministerstva abarony Niamieččyny razhladaje mahčymy scenar, pry jakim Rasija atakuje ŭschodni fłanh NATA ŭ 2025 hodzie. Padziei, apisanyja ŭ scenary, pačynajucca ŭ lutym 2024 hoda.
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary