Dniami krainy Bałtyi abviaścili ab rašeńni stvarać ahulnuju liniju abarony. Ministr zamiežnych spraŭ Litvy Habryelus Łandśbierhis padkreślivaje, što hety krok nie nakiravany na toje, kab prademanstravać sumnievy ŭ dačynieńni da zachodnich partnioraŭ. Na jahonuju dumku, heta padrychtoŭka da mahčymaj vajny, piša Delfi.lt.
«Heta taksama palityčnaje pasłańnie — pasłańnie Litvy, Łatvii i Estonii. Što my adčuvajem nabližeńnie vajny. My razumiejem, što, kali Rasija nie budzie spynienaja va Ukrainie, jana pojdzie dalej. A dalej buduć krainy Bałtyi», — zajaviŭ Łandśbierhis žurnalistam u Brusieli pierad pasiadžeńniem Rady zamiežnych spraŭ Jeŭrasajuza.
«Heta nie niedavier, heta — padrychtoŭka da taho, što moža adbycca. I my spadziajemsia, što heta stanie dastatkovym sihnałam našym siabram i partnioram u Jeŭropie, NATA, što da hetaha varta stavicca surjozna», — dadaŭ jon.
Łandśbierhis padkreśliŭ, što ŭsie dziaržavy rehijona zhodnyja z tym, što čas dla padrychtoŭki da supracivu mahčymaj ahresii vielmi abmiežavany.
«Kali Rasiju nie spynić, my staniem tymi, kamu daviadziecca jaje spyniać», — padkreśliŭ palityk.
Na dumku Łandśbierhisa, toje, kali Rasija zmoža znoŭ na niekaha napaści, hałoŭnym čynam zaležyć ad pośpiechu Ukrainy ŭ vajnie suprać Rasii.
«Pierš za ŭsio, pośpiech Ukrainy i pieramoha Ukrainy. Kali im spadarožničaje pośpiech, jany vyjhrajuć nam čas. Ukraina advajoŭvaje dla nas čas svajoj kryvioj, svaimi žyćciami, usim, što ŭ jaje jość. I my nie viedajem, kolki jašče času jany zmohuć nam vyjhrać», — skazaŭ ministr.
Ministry abarony Litvy, Łatvii i Estonii ŭ piatnicu padpisali pratakoł ab namierach pa ŭmacavańni supracoŭnictva ŭ raspracoŭcy mier kontrmabilnaści na ŭschodniaj miažy NATA. Padčas sustrečy ŭ Ryzie jany taksama damovilisia praciahnuć sumiesnaje raźvićcio mahčymaściaŭ vysokamabilnych rakietnych artyleryjskich sistem HIMARS.
Ciapier čytajuć
Pad Słuckam padčas nielehalnych honak žonka nakiravała Range Rover u Subaru muža. Ciažka paciarpieli čaćviora1
Pad Słuckam padčas nielehalnych honak žonka nakiravała Range Rover u Subaru muža. Ciažka paciarpieli čaćviora
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary