«My ž nie žyvioły». Pošuk praterminoŭki ŭ homielskaj kramie «Jeŭraopta» ŭskałychnuŭ tyktok
Videa pakupnika z homielskaj kramy «Jeŭraopt» za niekalki dzion nabrała ŭ tyktoku bolš za 750 tys. prahladaŭ i bolš za tysiaču aburanych kamientaroŭ. Reč u tym, što aŭtar videa, nie asabliva napružvajučysia, za adzin pachod pa pakupki nahladna pakazaŭ adrazu niekalki parušeńniaŭ — praterminavanyja tavary, tavary biez paznačeńnia terminu prydatnaści i navat patencyjna niebiaśpiečnyja dla zdaroŭja, pakrytyja ćvillu pradukty, zaŭvažyŭ Telegraf.news.
Aŭtar zapisu, jaki pad nikam ne_ochen_vkusno publikuje na svajoj staroncy tyktoku videa vidavočnych parušeńniaŭ u roznych kramach Homiela, spačatku prademanstravaŭ «bieźlimitnaha akunia», jakoha vykłali na pryłaŭki z pryvabnaj źnižkaj, adnak biez vyraznaha paznačeńnia terminu prydatnaści. Heta źjaŭlajecca parušeńniem patrabavańniaŭ zakanadaŭstva, pakolki nie daje pakupniku dakładnaj infarmacyi adnosna śviežaści praduktu.
Dalej na pryłaŭku z chlebabułačnymi vyrabami mužčyna zaŭvažyŭ jašče adno parušeńnie, bačnaje niaŭzbrojenym vokam: na nabory bułačak, vykładzienych u zavodskaj upakoŭcy, bačnaja ćvil. Pavodle słoŭ aŭtara videa, heta mahło adbycca praz «parušeńnie cełasnaści ŭpakoŭki».
Pry hetym «prablemnaj» (mienavita tak pra jaje vykazałasia supracoŭnica kramy, jakoj mužčyna źviarnuŭ uvahu na parušeńnie) akazałasia praktyčna ŭsia partyja — pradaŭcam pryjšłosia zdymać tavar z prodažu i afarmlać viartańnie vytvorcu.
«Krama dla kaho? Dla ludziej, nie dla žyvioł. My ž nie žyvioły, my ludzi. My chočam śviežaje jeści», — pavučaŭ mužčyna na videa rabotnicu kramy.
Na patrabavańnie ŭvažlivaha pakupnika pradaŭcy sapraŭdy prybrali z pryłaŭka praterminavanuju pradukcyju. Tym nie mienš, šmatlikija videa na staroncy homielca nahladna demanstrujuć, što pakupnikam varta być uvažlivymi i praviarać termin prydatnaści tavaraŭ va ŭsich kramach, a nie tolki ŭ sietcy «Jeŭraopt».
Tak, na inšych videa hetaha ž karystalnika jość prykłady ź inšych kram Homiela — praterminavanaj mojvy z kramy «Arkada», chleba ź ćvillu z kramy «Dyjanis» i praterminavanaj jałavičyny z «Kapieječki».
Zrešty, miarkujučy pa kamientarach pad videa, hetaja prablema nie abmiažoŭvajecca adnym abłasnym centram — ź joj sutykajucca pakupniki pa ŭsioj Biełarusi.
Pry hetym častka padpisčykaŭ stała na bok pradaŭcoŭ, apraŭdvajučy ich niežadańnie pa ŭłasnaj inicyjatyvie i svoječasova prybirać pradukcyju ź vidavočna praminułymi terminami prydatnaści patrabavańniami, jakija da ich vystaŭlajuć pracadaŭcy.
«Nie sakret, što pradaŭcoŭ jašče prymušajuć vykuplać praterminoŭku», — napisaŭ adzin z karystalnikaŭ.
«Vy prapanujcie štat rabotnikaŭ pavialičyć i zarobak padniać rabotnikam. Da kiraŭnictva arhanizacyi pradjavicie pretenzii, kab stvaryli ŭmovy dla pracy», — pasprabavaŭ inšy hladač pierakłaści adkaznaść za praterminoŭku na palicach kram na ich uładalnikaŭ.
Adnak tych, chto padtrymaŭ aŭtara videa, jaki publična ahučyŭ hetuju prablemu, u kamientarach było ŭsio ž bolš. Niekatoryja ŭvohule prapanavali zrabić takija «pravierki» siłami «internet-aktyvistaŭ» rehularnymi, kab «navieści paradak» u śfiery handlu.
Ciapier čytajuć
Bližejšym časam buduć vyzvaleny bolš za 150 palitźniavolenych30
Kamientary
🦠 «Patencyjna niebiaśpiečnyja dla zdaroŭja, pakrytyja ćvillu pradukty...»? Što, praŭda, vielmi nienie-niebiaśpiečnyja?
🍅 Nia budu vymudrahielvacca, lepiej skažu zaježžanuju frazu: narod šaleje ŭžo ad tłustu! Voś kahadzie ŭ mianie zalažalisia ŭ ladoŭni pamidory j torba vinahradu. Dy nastolki, što henyja dary pryrody pakrylisia šmatlikimi dzialanačkami dobraj i puchnataj ćvili. Vaŭ, byccam chtości ablapiŭ ich vataju!
🍇 I šo? A to, što z pamidoraŭ zbolšaha jaje ja zrezvaŭ, vinahradziny pierabiraŭ, jak moh, i pramyvaŭ vadoj z-pad kranu. I jeŭ toje, nie sumniavajciesia, (asabliva kali byŭ hałodny) ź niepadrobnaj radaściu. Ci, jak skazali b vielmi ŭraźlivaja ci kartavyja «z hadaściu».
😋 Apupiajozam maich hetkich charčavańniaŭ staŭ zusim nia vynas cieła tapkami napierad, a naadvarot adsutnaść choć jakoj boli ŭ ciele j u dušy viasioleńki nastroj ad raznastajenaje ježki.
👻 P.N. Miž tym nikomu nia raju pahłynać zaćviłyja ci praterminavanyja pradukty. Asabliva ŭraźlivym psychasamatýčkam, hetkim infuzoryjam u tufielkach, jakich moža lohka adóleć «tvar dražačaja» ŭ vyhladzie paciamnieŭšaha johurta ci (b)ražanki.