Hałoŭny ideołah Minabarony: Dziaŭčaty prosiać dać im prava pryzyvu na terminovuju słužbu
Pamočnik ministra abarony pa ideałahičnaj rabocie va Uzbrojenych siłach Leanid Kasinski raspavioŭ, ci buduć pryzyvać na terminovuju słužbu dziaŭčat i da čaho rychtujuć u patryjatyčnych kłubach.
«Konkurs siarod dziaŭčat kaśmičny, ale ŭ nas chapaje narmalnych dužych mužykoŭ»
U intervju prahramie «Skažiniemołči» hienierał-major Leanid Kasinski adznačyŭ, što ŭ Vajskovuju akademiju nazirajecca vialiki konkurs siarod dziaŭčat (na tyja śpiecyjalnaści, dzie ich prymajuć).
«Časam konkurs prosta kaśmičny. Naprykład, na vajskovych psichołahaŭ apošnija dva hady konkurs siarod dziaŭčat 40-50 čałaviek na miesca», — pachvaliŭsia Kasinski.
«Dziaŭčaty taksama prosiać dać im prava pryzyvu na terminovuju słužbu», — kaža jon i dadaje, što takija zvaroty ŭ Ministerstva abarony byli i ad deputataŭ.
Hienierał-major miarkuje, što da hetaha nie dojdzie. «U nas chapaje ŭ krainie narmalnych dužych mužykoŭ, jakija zdolnyja abaranić radzimu. U dziaŭčat jość prava pastupać na kantraktnuju słužbu, u Vajskovuju akademiju. A na terminovuju… Heta, na moj pohlad, pakul lišniaje. I situacyja hetaha nie patrabuje».
«Kali heta varjuje apanientaŭ, značyć usio robim pravilna»
Padčas intervju Leanid Kasinski vykazaŭsia i pra patryjatyčnyja kłuby. Niekatoryja miarkujuć, što praź ich dziaciej rychtujuć da vajny.
«Taki punkt pohladu ŭłaścivy našym apanientam. Ja kazaŭ heta nie adzin raz i paŭtaru: kali im heta nie padabajecca, kali ich heta varjuje, značyć my robim usio pravilna. Tak rabić i treba, — zaŭvažyŭ hienierał-major i patłumačyŭ. —
Reč u tym, što nichto dziaciej da vajny nie rychtuje. Vajskova-patryjatyčnyja kłuby i sam pa sabie praces patryjatyčnaha, vajskova-patryjatyčnaha vychavańnia nakiravany nie na toje, kab dzicia padrychtavać da vajny, a kab ź junaka, dziaŭčyny, maładoha hramadzianina našaj krainy vychavać patryjota».
Pa słovach Kasinskaha, «praktyčna takaja ž praca pravodzicca ŭ krainach Zachadu — Polščy, Litvie, Estonii».
«U 2016 hodzie delehacyja na ŭzroŭni Ministerstva adukacyi Łatvii pryjazdžała da nas u Biełaruś pierajmać dośvied našaj dapryzyŭnaj padrychtoŭki dla jaho ŭkaranieńnia ŭ siabie. Heta narmalnaja praktyka luboj dziaržavy. U tych ža Złučanych Štatach skaŭcki ruch — tyja ž vajskova-patryjatyčnyja kłuby».
Čytajcie jašče:
U kožnaj škole da kanca navučalnaha hoda zrobiać vajskova-patryjatyčny kłas ci kłub
U biełaruskich škołach uviaduć novy padručnik pa historyi. Ale «pierapisvańnia nie budzie»
-
Ivan Prus raskazaŭ, jak nažyŭsia na 200 dalaraŭ, pasialiŭšy kinazorku va ŭbitaj kvatery kala zvałki ŭ Šabanach, abstaŭlenaj rečami ź jaho internata
-
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
-
Litoŭskija pamiežniki znajšli na miažy ź Biełaruśsiu partyju cyharet na 260 tysiač jeŭra
Ciapier čytajuć
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»3
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary